JOHAN 7:4 - AMÜSÜH HÜM CL Bible (BSI)

⁴ Tümütüsho amikheak akhiukde amükheahshihpü yimrünü a shenü she ramde mürhimochoh. Nünü harü rhimochosho, alomi ki nü huhang.”

JOHAN 7:4 Iomraidhean Croise

1 KIULONG THSÜRÜ 22:13

Mikaia jipü yübuh yunithsürünü api ki tha, “ Kheahang, wukihrübo yu rukhühnü kiulongthsüpuh ki atsübe lah; nü yu she arü yu ruk thsang tüsho tsüde thaang.”

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

MATHI 4:6

tüsho api ki tha, “Nü Thrünpuh tsührü a sho, nü küdah thsüde ayoang, tümüde amüsühyunü thachoh: ‘Thrünpuhnü api yunirü nü thsungkheak jihbah, tüsho nü jinglungnü alo müqiushihde arü khah ching nü shuhkihbah.’ ”

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

MATHI 6:5

“Küyimki nüsanü tamkhüntamnübanü yiuhkhaprübo nangde düthsü, tümüde arünü mihtsürübonü angüshihpü sinagogbo ching le kiudunglimrobo kheak zhipbah tamkhüntamnüpü mürühchoh. Inü nüsa ki thiyuro thachoh, arü thsambah ngüabahdo.

LUKNÜ ATHRÜTKHI THIYUSHEAK-ATSÜ HUHTANYU 6:45

Mihtsürü atsünü api mulong ching atsü lakhi chingnü atsü akhiukchoh, tüsho mihtsürü amütsünü nihbuh amütsü lakhi chingnü amütsü akhiukshihchoh; tümütüsho mulong ching mide alakhinü amünnü asukchoh.

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.

JOHAN 7:3

Jumonü api keoniorübonü anihbuh ki tha, “Nü jingyanrübonü she nünü arhimokhi ngüpü thsüde ha chingnü chamachihbah Judea ching yüang.

JOHAN 7:5

Tümüde api keoniorübonü she api kheak mükinde alakheah.