JOHAN 7:37 - AMÜSÜH HÜM CL Bible (BSI)

³⁷ Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

JOHAN 7:37 Iomraidhean Croise

NEHEMIA 8:18

Thünio atan ninü akheam khiungde nimung aban apinü Thrünpuh yakzan hüm chingnü khe. Arünü nimung thüne arüng, tüsho yakzan ching lakhi yande nimung atizheah ni akheam arüng münchi mung.

MUNGSHIKHÜN 143:6

Inü nü kilim I khahbo chungkihchoh; akung lo nangde I menü nü mürheangchoh.

MUNGSHIKHÜN 42:2

I menü rhangdung Thrünpuh thsungkheak kethürichoh. Küyimki I Thrünpuh miki yüba?

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

MÜCHITMUDU 1:20

Lümlungnü kiudunglimrobo ching achangnü jichoh; anihbenü wungdophulung ching adüsheak zhichoh.

MÜCHITMUDU 8:1

Lümlungnü müzhi de, tüsho anikhitkhinü anihbe düsheak mushuhkih de?

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

MÜCHITMUDU 8:3

Alibenü kiuto lim yüzahkhi, chipiripitbo kheak, ayüzahpung kheak zhichoh:

MÜCHITMUDU 9:3

Anihbenü kiuto ching achangbe dangpungbo chingnü ajishihpü ayamlaberübo thiyido,

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 12:3

Asühde akhümkhit kekhip chingnü nünü ke khipbah.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 40:6

Düsheaknü tha, “Zhiang!” Tüsho inü tha, “ Inü tümü zhiba?” Mihtsürü alala sangrung ah, arü tsakamkhi ju thulu sangbün nangde lah.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

EZEKIEL 47:9

Ayung kürü ching yübanü, abükhi lorilokobo rhangdung labah, tüsho ju ching ha kebo khiungsho thüngüh hihde alabah. Ha aso kambah; tüsho ayung kürü ching yübanü, lüpdükhi rhangdung labah.

LEVI 23:36

Nimung thüne nüsanü Atungpuh kilim taka kingaünbah; atizheah nipü nüsanü amüsüh amukhung labah tüsho Atungpuh kilim taka kingaünbah; ha mülangrüpdo amukhungkhi lah tüsho nüsanü rhimo achak tümü she mürhimobeah.

LEVI 23:39

Jumonü küyimki nüsa lu yimlubanü khinu thüne nimung thürükheak phüngü ninü ründe nimung thüne Atungpuh thünio mungang; atan ni tüsho atizheah nipü ju sühakhimkhi amunimungbo labah.

MIKA 6:9

Atungpuh trekhi ju lümlung atsü, apinü kiuto ki jichoh, Aniang, nüsa kiuto ching mukhungrü mihtsürübo!

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

WÜHKHE 29:35

Atizheah nipü ju nüsanü amüsüh amukhung laang, tüsho rhimo achak tümü dürhimo.

MATHI 11:28

Nüsa rozhakrü tüsho hahmülang hanrübo alala I kilim arang, tüsho inü nüsa kilim sühakhim jihbah.

MATHI 3:3

Tümüde Isaia wukihrünü athakhi ju api ah: “Sunglo ching khülangnü azhikhi düsheak: ‘Atungpuh thsungkheak limro thsakhamang, api limtsahpung mukhiungarihdo thsüjang.’ ”

MATHI 5:6

Thiyuro-lungki thsungkheak khümkethürirü asühpü, tümüde arü bukthsübah.

JOHAN 1:23

Apinü alo, “I ju Isaia wukihrünü athakhi nangde ‘Sunglo ching azhikhi düsheak khülang: Atungpuh limro mukhiungarihdo thsüjang.’ ”

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:11

Alibenü api ki tha, “Atobuh, nü akhipbe müla, tüsho kekhip süklah. Dale küchingnü nünü rhangdung ke ngüpü?

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 5:40

Tüshe nüsa rhangdung lapü thsüde nüsanü I kilim arüpü mümulong.

JOHAN 6:35

Tüsho Jisunü arü ki tha, “I rhangdung tsühyungbe ah. Shepü I kilim arüchonü küyimkishe mükhüm, tüsho shepünü I kheak kinchonü küyimkishe kemüthüri.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

JOHAN 6:55

Tümüde I shih ju jim tsütsü tüsho I thiyih ju ayungbe tsütsü ah.

JOHAN 7:28

Judüki Jisunü arüngyam ching thsangyude alachoki zhi, “Nüsa chidonü I mükheahlah, tüsho I küchingnüanü nüsanü mükheahlah; I küdahnü I arükhi yung, tüshe nüsanü mümükheahkhi I thiyibuh thiyuro lah.

1 KORINT 10:21

Nüsanü Atungpuh pung tüsho arimri pung muyungkhuk. Nüsanü Atungpuh tüsho arimribo dükhüm kheak müyimtsühkhuk.

1 KORINT 10:4

tüsho alalanü rukhüh me yungbe yung. Tümüde arünü arü lung yükhi me Lung chingnü yung, tüsho Lung ju Khrista lakheah.

1 KORINT 11:25

Junangde yimtsüh dunglim apinü pung lubah tha, “Ha pung I thiyih ching tangzüng aso ah. Nüsanü ayung aban I lümkhitde ha rhimoang.”

1 KORINT 12:13

Tümütüsho Jihudarü yungsho Greekrü, azhorü yungsho zuzu larü thsüthsü isa alala pang khülang ching Me khülangnü baptijih tüsho Me khülang yungshih.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.