JOHAN 7:28 - AMÜSÜH HÜM CL Bible (BSI)

²⁸ Judüki Jisunü arüngyam ching thsangyude alachoki zhi, “Nüsa chidonü I mükheahlah, tüsho I küchingnüanü nüsanü mükheahlah; I küdahnü I arükhi yung, tüshe nüsanü mümükheahkhi I thiyibuh thiyuro lah.

JOHAN 7:28 Iomraidhean Croise

MUNGSHIKHÜN 9:10

Tüsho sherünü nü mung mükheahlanü arünü nü kheak kinbah, tümüde, O Atungpuh , nü yimrü nünü mübahyuk.

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 9:6

Junokhi kheak junokhi, mülapmüji kheak mülapmüji! Arünü I mükheahpü thsunglochoh, Atungpuhnü thachoh.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 5:4

Arü rhimobonü arü Thrünpuh kilim rholode ayüpü mümülü. Tümüde yüliyüra me arü kheak lah, tüsho arünü Atungpuh mümükheah.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 2:23

Tüsho apinü yübah Nazareth kiuto ching la, junangde wukihrübonü, “Api Nazarethrü de ajibah,” de athakhi dünjipü lakheah.

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

LUKNÜ ATHRÜTKHI THIYUSHEAK-ATSÜ HUHTANYU 10:22

I Buhnü lüpdükhi I kilim jihdo, tüsho Abuh kheak hode shenü atsührü mümükheah, tüsho atsührü le api amikheak akhiukshihpü mokhitrü kheak hode shenü Abuh mümükheah.”

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

LUKNÜ ATHRÜTKHI THIYUSHEAK-ATSÜ HUHTANYU 2:39

Tüsho küyimki arünü Atungpuh yakzan yande lüpdükhi rhimokhea, arünü Galilee ching, arü kiuto Nazareth lim alodarü.

LUKNÜ ATHRÜTKHI THIYUSHEAK-ATSÜ HUHTANYU 2:4

Tüsho Josep she Galilee ching lakhi Nazareth kiuto chingnü, Judea ching Bethlehem de ajikhi David kiuto ching yü, tümütüsho api David yamkhün chingnü alakheah.

LUKNÜ ATHRÜTKHI THIYUSHEAK-ATSÜ HUHTANYU 2:51

Tüsho apinü arü lung Nazareth lim alode yü, tüsho arü ki mihyuanide alakheah; tüsho abenü harü alala mulong ching zo.

JOHAN 1:46

Nathanaelnü api ki tha, “Nazareth chingnü tümükhüh atsü akhiukkhukba de?” Philipnü api ki tha, “Arübah kheahang.”

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 12:49

Tümüde inü I yo thiyukhüm-sühmühnü masuk; tüshe inü tümü thaba tüsho tümü asukbanü I thiyibuh I Buhnü I ki thiyukhüm jih.

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 17:25

O thiyuro-lungki Abuh! Alominü nü mümükheah, tüshe inü nü mükheahdo; tüsho nünü I thiyikheah de harünü mükheahlah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 3:33

Shepünü api yusheak leangkhichonü Thrünpuh ju thiyuro de junü adüngakhi thsüchoh.

JOHAN 5:32

I thiyumütsan thsürü püpürü lah, tüsho apinü I thiyumütsan thsükhi thiyuro ah.

JOHAN 5:43

I Buh mung chingnü I arükheah, tüshe nüsanü I müleangkhi; khürünü nihbuh mung ching arükhülaa, nüsanü api leangkhibah.

JOHAN 6:42

Tüsho arünü tha, “Ha isanü abuh tüsho abe mükheahkhi Josep tsührü Jisu yung de? Apinü küde thsah, ‘I yinmi chingnü akikheah’ de thacho?”

JOHAN 7:14

Kheakü thünio phulung ching Jisunü arüngyam ching wutubah thsangyu.

JOHAN 8:14

Jisunü arü ki alo, “Inü I küdah thsüde thiyumütsan thsüthsü she, I thiyumütsan thiyuro ah tümüde I küchingnü arükhea tüsho I küching yüchonü inü mükheahlah; tüshe I küchingnü arücho tüsho I küching yüchonü nüsanü mümükheah.

JOHAN 8:16

Tüshe inü mahkhapsho, I mahkhapkhi ju thiyuro; tümüde I langzü yung, tüshe I thiyibuh I Buh lung I lah.

JOHAN 8:19

Judüki arünü api ki tha, “Nü Buh küching la?” Jisunü alo, “Nüsanü I yungsho I Buh she mümükheah. Nüsanü I mükheahkhülaa, I Buh she mükheah-a labah.”

JOHAN 8:26

Inü nüsa dünkheak ahihdo thapü tüsho mahkhappü lah, tüsho I thiyibuh thiyuro lah; tüsho küpü api kilimnü asokheanü inü alomi ki ju asukchoh.”

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,

JOHAN 9:29

Thrünpuhnü Mosa ki asukdo de isanü mükheahlah; ha buh ju küchingnüanü isanü mümükheah.”

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

ROMRÜ KILIM PAULNÜ ATHRÜTKHI KIHÜM HUHTANYU 3:4

Jude yung! Ha thrüta lakhi nangde mihtsürü aban arükchih lalashe Thrünpuh a thiyuro lashang, “Nünü athachoki nü alim huhbah tüsho nü mahkhapchoki akuk ngübah.”

2 KORINT 1:18

Atsütsü Thrünpuh ju thiyuro lakhinü, nüsa kilim isa yu “Am” tüsho “Yung” de mülakheah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

1 JOHAN 5:10

Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

1 SAMUEL 2:12

Kheakü Eli tsührübo mihyuchi ching mülarü lakheah; arünü Atungpuh mümükheah.