JOHAN 7:27 - AMÜSÜH HÜM CL Bible (BSI)

²⁷ Judüalalashe, ha mihtsürü küchingnüanü isanü mükheahlah, tüshe küyimki Khrista arübanü, api küchingnüanü shenü mümükheah.”

JOHAN 7:27 Iomraidhean Croise

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 53:8

Thsümüchide tüsho mahkhapde api bede tso. Shepünü api arübe-kuhi lümakheah-a laba? Tümüde rhangdung lakhi lomi chingnü api dükheakshih, I mihtsürünü alakmihkhi dün shik.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MARK 6:3

Ha Mari tsührü, tüsho Jakob, Josep, Juda, tüsho Simon pürü akhiung sangrhimosorü yung de? Tüsho api niurü aliberübo ha ching isa lung lah.” Tüsho arünü api bahyuk.

LUKNÜ ATHRÜTKHI THIYUSHEAK-ATSÜ HUHTANYU 4:22

Alalanü api dünkheak tsüde asuk, tüsho api mün chingnü akhiukkhi amuzho yubo ju müyinsah; tüsho arünü tha, “Ha Josep tsührü yung de?”

JOHAN 6:42

Tüsho arünü tha, “Ha isanü abuh tüsho abe mükheahkhi Josep tsührü Jisu yung de? Apinü küde thsah, ‘I yinmi chingnü akikheah’ de thacho?”

JOHAN 7:15

Tüsho Jihudarübonü müyinsahde tha, “Ha mihtsürü küyimkishe mükhele küde thsah athrütkhi mükheahla?”

JOHAN 9:29

Thrünpuhnü Mosa ki asukdo de isanü mükheahlah; ha buh ju küchingnüanü isanü mümükheah.”

YUNIRÜBO RHIMO 8:33

Api junokhi ching anihbuh kheak thiyuro khenoabah. Shepünü api tsühsoniusobo thakhukba? Tümütüsho api rhangdung alomi chingnü bede yükihdo.”