JOHAN 7:24 - AMÜSÜH HÜM CL Bible (BSI)

²⁴ Amikheaknü mahdükhap, tüshe thiyuro-lungkinü mahkhapang.”

JOHAN 7:24 Iomraidhean Croise

MUNGSHIKHÜN 82:2

Nüsanü külokhüh thiyuro mülade mahkhapba, tüsho mihbukmuyuk ki jakkheahba?

MÜCHITMUDU 17:15

Shepünü mihbukmuyuk alim thsüjihcho, tüsho thiyuro-lungkirü bahyukchonü ane chido Atungpuh kilim athraneanbe lah.

MÜCHITMUDU 24:23

Lümlung lakhi mihtsürünü harü she tha: Mahkhapkhi ching jakkheahkhi ju atsü yung.

ISAIA 5:23

shepü buknim khülang thsungkheaknü amülim ngücho, tüsho amülim mülarü ki arü alimbo junocho!

LEVI 19:15

Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang.

ZEKARIA 7:9

Wuto Atungpuh ha thachoh: Thiyuro mahkhap rhimoang, khülangnü khülang ki amuzho tüsho mihmüthsüm huhang;

JOHAN 7:25

Judüki Jirusalem ching khürünü tha, “Ha arünü alaksahpü yimbuh thsü yung de?

JOHAN 8:15

Nüsanü shih limnü mahkhapchoh; inü a sheshe mahmükhap.

2 KORINT 10:7

Nüsa mükbo ki tümü lanü kheahchoh. Khürünü api Khrista yo ah de mütsansho, isa nangde api ju Khrista yo ah de lümloshang.

JAKOB 2:1

I keoniorübo, isa Atungpuh Jisu Khrista, müretahkhi Atungpuh kheak nüsanü kinla le, jakkheahkhi dühuh.

JAKOB 2:4

nüsanü nüsa bolung yakkhitchoh yung de, tüsho amütsü lümkhibo bede mahkhaprübo kamchoh yung de?

JAKOB 2:9

Tüshe nüsanü jakkheahkhi huhsho, nüsanü neak yihbeakchoh, tüsho athsümünimrü ah de yakzannü mütsanchoh.