JOHAN 7:16 - AMÜSÜH HÜM CL Bible (BSI)

¹⁶ Jisunü arü ki alo tüsho tha, “I kingaün-yakzan ju I yo yung, tüshe I thiyibuh yo ah.

JOHAN 7:16 Iomraidhean Croise

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 14:24

Shepünü I mümuzhonü I yubo muzochoh; tüsho nüsanü asokhi yu ju I yo yung tüshe I thiyikhi I Buh yo ah.

JOHAN 17:14

Inü arü kilim nü yu jihdo; tüsho alominü arü thraneando tümütüsho I alomi yo yungkhi nangde arübo alomi yo yung.

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

JOHAN 3:31

Shepü akulimnü arüchonü alala kheaknü akube; shepü alomi kilimnü lanü alomi yo ah tüsho alomi dünkheak asukchoh. Shepü yinmi chingnü arüchonü alala kheaknü akube ah.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:44

I thiyikhi I Buhnü bede marüsho shenü she I kilim marükhuk; tüsho akheam nimung ching inü api arhang kamloshihbah.

JOHAN 8:28

Judüki Jisunü arü ki tha, “Küyimki nüsanü Mihtsürü Tsührü shuhkihbanü, I api ah, tüsho inü I küdahnü tümü müthsü de nüsanü amükheahbah, tüshe I Buhnü thsangyukhi nangde inü harü asukchoh.

2 JOHAN 1:9

Shepünü akhuhlimnü yücho tüsho Khrista kingaün-yakzan ching mülachonü Thrünpuh müla; shepünü kingaünyakzan ching lachonü Abuh tüsho atsührü chido lah.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,