JOHAN 7:14 - AMÜSÜH HÜM CL Bible (BSI)

¹⁴ Kheakü thünio phulung ching Jisunü arüngyam ching wutubah thsangyu.

JOHAN 7:14 Iomraidhean Croise

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

WÜHKHE 29:17

Mahne nipü moshipung 12, namfimihnupung 2, namfimihnunu kam khülang bankhi 14 lapha mükihkhi jihang,

WÜHKHE 29:20

Nimung mahsam nipü ching moshipung 11, namfimihnupung 2, kam khülang bankhi namfimihnunu 14 lapha mükihkhi jihang,

MATHI 21:12

Judüki Jisunü arüngyam ching yüzahbah shothsümolorü alala yankhit tüsho sho müthriachihrü dükhümbo le müthrithrümpü yinrü binkiubo lahyuka bahjih.

MATHI 26:55

Ju kim ching Jisunü boto ki tha, “Nüsanü jangkhijangrarü khülang azhihkhi nangde nukshangbo le shinukbo shuhbah I rampü arükhea de? Nimung aban arüngyam ching thsangyude I nüsa lung bindo, tüsho nüsanü I müram.

LUKNÜ ATHRÜTKHI THIYUSHEAK-ATSÜ HUHTANYU 19:47

Tüsho apinü nimung aban arüngyam ching thsangyude alakheah. Tüshe amükeam putungrübo, yakzan thsangyurübo, tüsho mihtsürü limberübonü api laksahpü yim,

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.

JOHAN 5:14

Ju dunglim Jisunü arüngyam ching api ngü, tüsho tha, “Kheahang, nü tsüde kamdo, neak düyihbeaklo, jude yungsho amütsübe nü kheak arübah.”

JOHAN 7:2

Kheakü Jihudarü Arüngkhimyam Thünio thüninde alakheah.

JOHAN 7:28

Judüki Jisunü arüngyam ching thsangyude alachoki zhi, “Nüsa chidonü I mükheahlah, tüsho I küchingnüanü nüsanü mükheahlah; I küdahnü I arükhi yung, tüshe nüsanü mümükheahkhi I thiyibuh thiyuro lah.

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

JOHAN 8:2

Yapsu mükikde apinü arüngyam ching arülo, tüsho mihtsürü alala api ki arü; tüsho apinü binbah arü thsangyu.

JOHAN 8:20

Harü yubo Jisunü apinü arüngyam ching thsangyude alachoki shozopung chingnü tha; tüsho shenü she api kheak khah muchung, tümüde api kim marüyide alakheah.