JOHAN 7:1 - AMÜSÜH HÜM CL Bible (BSI)

¹ Ju dunglim Jisunü Galilee ching tsah, tümütüsho Jihudarünü api laksahpü yimkhinü Judea ching tsahpü mükünde alakheah.

JOHAN 7:1 Iomraidhean Croise

MATHI 10:23

Küyimki nüsa kiuto khülang ching thsümüchibanü, püpü khülang ching akhinang. Mihtsürü Tsührü marüchoki Israel kiuto alala ching nüsa rhimo mübande alabah.

MATHI 21:38

Tüshe küyimki thulu-mücherübonü atsührü ju angükhea, arü khülangnü khülang ki thaachih, ‘Ha yamrüplurüp lubuh ah; arang, isanü api laksahanü tüsho api yamrüplurüp luanü.’

MARK 11:18

Tüsho yakzan thsangyurübo le amükeam putungrübonü ju sobah api laksahpü rük yim; arünü api trede alakheah, tümütüsho mihtsürü alalanü api thsangyukhi kheak müyinsahde alakheah.

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 4:3

apinü Judea chingnü chamachihde Galilee lim yülo.

JOHAN 4:54

Ha Jisunü Judea chingnü akhiukbah Galilee ching yüchoki khinthiyinbe rhimokhi mahnepü lakheah.

JOHAN 6:1

Ju dunglim Jisunü Galilee keto (yungsho Tiberia keto) hode yü.

JOHAN 7:11

Judüki Jihudarübonü thünio ching api yimde tha, “Api küching la.”

JOHAN 7:13

Tütüshe Jihudarü trekhinü shenü she aleangkheak akhiukde api dünkheak masuk.

JOHAN 7:19

Mosanü nüsa kilim yakzan jihbah nüsanü yakzan muzokhi yung de? Tümüde nüsanü I laksahpü yimcho?”

JOHAN 7:25

Judüki Jirusalem ching khürünü tha, “Ha arünü alaksahpü yimbuh thsü yung de?

JOHAN 7:35

Judüki Jihudarübonü arü bolung thaachih, “Api küching yüpü lümkhi isanü api müngüpü? Api ju isa mihtsürü lapung Greekrü lung yübah Greek thsangyupü lümla shi?

JOHAN 8:37

Nüsa ju Abraham tsühsoniusobo ah de inü mükheahlah, tüshe nüsanü I laksahpü yimchoh, tümütüsho inü thsangyukhi nüsanü müleangkhi.

JOHAN 8:40

Tüshe kheakü nüsanü Thrünpuh kilimnü sobah nüsa ki thiyuro thabuh mihtsürü I laksahpü yimchoh. Abrahamnü hade mürhimo.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.