JOHAN 6:45 - AMÜSÜH HÜM CL Bible (BSI)

⁴⁵ Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.

JOHAN 6:45 Iomraidhean Croise

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MARK 1:2

Isaia wukihrünü thrüta lah: “Kheahang, nüsa limro thsakhamshihpü, nüsa müngüh I yunithsürü yüshihchoh.

LUKNÜ ATHRÜTKHI THIYUSHEAK-ATSÜ HUHTANYU 1:70

adüsonü alakhi api yo amüsüh wukihrübo mün hode apinü asukkhi nangde,

LUKNÜ ATHRÜTKHI THIYUSHEAK-ATSÜ HUHTANYU 18:31

Judüki apinü thürükheak mahne ju bemuwuh tüsho arü ki tha, “Kheahang, isa Jirusalem lim wutuchoh, tüsho Mihtsürü Tsührü dünkheak wukihrübonü athrütkhi alala adünjibah.

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

JOHAN 6:65

Tüsho apinü tha, “Jumonü I Buhnü api ki mümülüjihsho shenü she I ki marükhuk de inü nüsa ki thado.”

YUNIRÜBO RHIMO 13:40

Jumonü wukihrübonü athakhi nüsa kheak müdünjipü kümkangang:

YUNIRÜBO RHIMO 7:42

Tüshe Thrünpuhnü rholode tso tüsho wukihrübo hüm ching thrüta lakhi nangde arünü chiningbo kingaünshih: ‘O Israel yamkhün, nüsanü sunglo ching kam yirü shiwühbo laksah-a I kilim jihdü de?

EFISIA 1:17

junangde isa Atungpuh Jisu Khrista Thrünpuh, müretah Abuhnü lümlung me tüsho api mükheahkhi ching amikheak akhiukkhi nüsa kilim jihbah,

FILIPI 3:15

Isa sherü azorüanü ha lümbeah; tüsho nüsa lümkhi püpü lasho Thrünpuhnü nüsa ki mütsanjihbah.

1 TESALONIKA 4:9

Tüshe keoniorü muzhopü dünkheaknü khürünü nüsa ki thrütpü thsüde yihnüpü müla, tümüde khülangnü khülang muzhoachihpü Thrünpuhnü nüsa ki thsangyudo.

IBRI 10:16

“Arübe nimungbo ching inü arü ki tangzüngpü ju ha lah, Atungpuhnü thachoh: Inü arü mulongbo ching I yakzanbo yukjihbah tüsho arü lümkhibo ching thrütbah,”

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.