JOHAN 6:41 - AMÜSÜH HÜM CL Bible (BSI)

⁴¹ Jihudarünü neangneangde api azhih, tümütüsho apinü tha, “I ju yinmi chingnü akikhi tsühyungbe ah.”

JOHAN 6:41 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 15:2

Tüsho Pharisirü le yakzan thsangyurübonü neangneangde tha, “Ha mihtsürünü aneakrübo leangkhichoh tüsho arü lung yimtsühchoh.”

LUKNÜ ATHRÜTKHI THIYUSHEAK-ATSÜ HUHTANYU 19:7

Tüshe küyimki arünü ju ngükheanü neangneangde tha, “Aneakrü mihtsürü khülang lung hanrü thsüpü api yüdo.”

LUKNÜ ATHRÜTKHI THIYUSHEAK-ATSÜ HUHTANYU 5:30

Pharisirü le yakzan thsangyurübonü api jingyanrü atsangde tha, “Tümü thsükhi nüsanü ruk-threrü le aneakrü bolung tsühyungcho?”

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 6:33

Tümüde Thrünpuhnü ajihkhi yikhap ju yinmi chingnü akichoh tüsho alomi ching rhangdung jihchoh.”

JOHAN 6:43

Jumonü Jisunü arü ki alo tüsho tha, “Nüsa bolung datsangachih.

JOHAN 6:48

I rhangdung tsühyungbe ah.

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

JOHAN 6:60

Jumonü api jingyanrübo ahihkhühnü ha sochoki tha, “Ha thakhi achak ah; shenü ju anikhitkhukba?”

JOHAN 6:66

Ju kim chingnü api jingyanrü ahihkhühnü tsolo tüsho api lung mütsahdebah.

JOHAN 7:12

Tüsho mihtsürü bolung api dünkheak khide phiphirarakhi lakheah. Khürünü tha, “Api tsülah”; püpürünü tha, “Yung, apinü mihtsürü rükakichoh.”

1 KORINT 10:10

yungsho arü khürünü rhimobah athsümünimrünü adükheakshihkhi nangde isanü matsangnü.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.