JOHAN 6:39 - AMÜSÜH HÜM CL Bible (BSI)

³⁹ Ha I thiyibuh Abuh lümkhi ah, junangde apinü I jihkhi alala tümü she müdükheak tüshe akheam nimung ching arhang kamlobah.

JOHAN 6:39 Iomraidhean Croise

JEREMIA 23:4

Inü arü kümpü yakzanshuhrübo mokhitbah, tüsho arünü kheaküa mütre, yungsho mümüyinnim, yungsho müdükheak, Atungpuhnü thachoh.

MATHI 10:15

Tsükjide inü nüsa ki thachoh, mahkhap nimung Thrünpuhnü ju kiuto kheaknü Sodom tüsho Gomorra mihtsürü ki alü amüthsüm huhbah!

MATHI 18:14

Junangde harü anini bolung khülang she adükheakpü thsüde yinmi ching labuh nüsa Abuhnü mümulong.

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

JOHAN 12:48

Shepünü I bahyukcho tüsho I yubo müleangkhichonü mahkhap khülang lah; inü athakhi yu hode akheam nimung api mahkhapbah.

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 17:6

“Nünü alomi chingnü I kilim jihkhi mihtsürübo ki nü mung akhiuka huhdo. Arübo nü yo lakheah, nünü arübo I kilim jih, tüsho arünü nü yu zo.

JOHAN 17:9

Inü arü thsungkheak tamkhüntamnüjihchoh. Inü alomi thsungkheak mütamkhüntamnü tüshe nünü I kilim jihrü thsungkheak, tümüde arübo nü yo ah.

JOHAN 18:9

junangde apinü, “Nünü sherü I kilim jihkheanü sheshe müdükheak,” de athakhi dünjipü lakheah.

JOHAN 5:28

Ha kheak dümüyinsah; tümüde kiuyukbo ching larü alalanü api düsheak sopü kim arüchoh

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

JOHAN 6:40

Tüsho ha I thiyibuh lümkhi ah, junangde atsührü ngübah api kheak kinrü aban akheam müla rhangdung labah; tüsho inü akheam nimung ching api arhang kamloshihbah.”

JOHAN 6:44

I thiyikhi I Buhnü bede marüsho shenü she I kilim marükhuk; tüsho akheam nimung ching inü api arhang kamloshihbah.

JOHAN 6:54

Shepünü I shih tsühcho tüsho I thiyih yungchonü lünnü rhangdung labah, tüsho akheam nimung inü api arhang kamshihbah.

ROMRÜ KILIM PAULNÜ ATHRÜTKHI KIHÜM HUHTANYU 8:11

Ashe chingnü Jisu bemusubuh Me nüsa kheak lasho, ashe chingnü Jisu Khrista bemusubuhnü nüsa kheak lakhi Me hode ashepü lakhi nüsa pangbo kilim rhangdung jihbah.

1 KORINT 6:14

Thrünpuhnü Atungpuh asürüshih tüsho api wunü isa she asürüshihbah.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

JAKOB 5:15

akin tamkhüntamnükhinü tukthsübuh ju athsüngubah, tüsho Atungpuhnü api asürüshihbah; tüsho anihbuhnü neak yihbeaka lasho apinü abahjihbah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

1 SAMUEL 25:29

Khürünü nü müshampü asürüsho tüsho nü rhangdung yimsho, I tungpuh rhangdung ju Atungpuh nü Thrünpuhnü akümkhi rhangdung ching rhükdoa zobah; tüshe nü riribo rhangdung a lunghitliu chingnü hitkhita bahkhi nangde apinü hitkhita bahbah.