JOHAN 6:31 - AMÜSÜH HÜM CL Bible (BSI)

³¹ Isa jipürünü sunglo ching manna tsüh; ha thrüta lakhi nangde, ‘Apinü yinmi chingnü arü kilim atsühpü yikhap jih.’”

JOHAN 6:31 Iomraidhean Croise

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

NEHEMIA 9:20

Nü tsüyihkhi chingnü tümü rhimobeanü nünü arü ki tha; nünü arü mün chingnü manna mutuklojih tüsho ayungpü ke jih.

MUNGSHIKHÜN 105:40

Mihtsürübonü kheang, tüsho apinü wuhkhi lude arü, tüsho yinmi yikhapbonü arü reangkeamshih.

ABEKHIT 16:35

Arü lapü lomi ching arükhi khiungde Israelrünü manna ju kam yirü tsüh; arünü Kanan aredungyean khiungde manna tsüh.

JOHAN 6:32

Judüki Jisunü arü ki tha, “Atsütsü inü nüsa ki thachoh, Mosanü yinmi chingnü nüsa kilim yikhap jihkhi yung, tüshe I Buhnü yinmi chingnü thiyuro yikhap nüsa kilim jihchoh.

JOHAN 6:49

Nüsa jipürübo sunglo ching manna tsüh, tüsho shedo.

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

1 KORINT 10:3

tüsho alalanü rukhüh me jim tsüh

YUZÜNGTHALO 8:3

Tüsho apinü nüsa azhihayihshihpü khümshih tüsho nüsa kilim manna kip, küpü nüsa yungsho nüsa bebuhrübonü mümükheahkhea, junangde mihtsürü ju yikhapnü lang rhangdung müla de nüsanü amükheahbah, tüshe mihtsürü ju Atungpuh mün chingnü athakhitkhi abannü rhangdung lah.

JIHUSUA 5:12

Arünü ju lo chingnü akhiukkhi tsüh nimungnü ründe manna makidebah, tüsho Israelrübonü judürü müngülo tüshe arünü ju kam a Kanan chingnü akhiukkhi tsühyungpü tsüh.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’