JOHAN 6:2 - AMÜSÜH HÜM CL Bible (BSI)

² Judüki yimto ato khülangnü api dunglim yan, tümütüsho apinü tukthsürü kheak khinthiyinbebo rhimokhi arünü ngü.

JOHAN 6:2 Iomraidhean Croise

MATHI 12:15

Tüshe küyimki Jisunü ju mükheahkhea, apinü ju chingnü akhinabah; yimto atonü api dunglim yan, tüsho apinü arü alala thsüngujih.

MATHI 13:2

Yimto ato api ki mukhungde arü, jumonü apinü sangkung ching yüzahbah bin; tüsho yimto alala ke mungyean zhip.

MATHI 14:14

Jisunü wukhiukbah yimto ato ngüchoki, apinü arü muzhode lüm tüsho arü tukthsü thsüngujih.

MATHI 8:1

Küyimki api müzüng kheaknü akikhea, yimto atonü api yande yü.

MARK 1:45

Tüshe apinü wukhiukbah thiyusheakbo bushihde zuzu thsüde athapü tankih. Jude athsükhinü Jisu ju zuzu thsüde kiuto ching müyüzahkhukde kam tüshe aleangkheak azhikpungbo ching lakheah; tütüshe mihtsürübonü thrip aban chingnü api kilim arü.

MARK 6:33

Tüshe botobonü arü yükhi ngü tüsho ahihkhühnü api mükheahbah kiuto alala chingnü jingnü alihde yünü arü müngühnü khiung.

JOHAN 11:47

Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

JOHAN 12:18

Ha dünkheaknü mihtsürübonü api shoru, tümütüsho apinü khinthiyinbe rhimodo de arünü so.

JOHAN 12:37

Tüshe apinü arü miki khinthiyinbe ahihdo rhimomo she arünü api kheak mükin,

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 2:23

Küyimki api phungho-thünio lachoki Jirusalem ching lakhea, apinü khinthiyinbe rhimokhi ngüchoki ahihkhühnü api mung ching kin.

JOHAN 20:30

Tüsho atsütsü ha hüm ching thrüta mülakhi Jisunü khinthiyinbe ahihdo api jingyanrübo miki rhimo;

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 6:14

Judüki Jisunü khinthiyinbe rhimochoki ngürü mihtsürübonü tha, “Tsükjide ha alomi ching arüpü lakhi wukihrü ah.”

JOHAN 6:22

Ashidopü keto thripkhüh lakhi botonü ju ching sangkung khülang labah Jisunü ajingyanrü lung müyüzahde arü zangrü yüde ngü.

JOHAN 6:26

Jisunü arü ki alo tüsho tha, “Atsütsü inü nüsa ki thachoh, nüsanü khinthiyinbebo ngümonü I yimchoh yung, tüshe yikhapbo tsühbah bukthsümonü ah.

JOHAN 6:30

Jumonü arünü api ki tha, “Isanü ngübah nü kinpü thsüde nünü khinthiyinbe tümü rhimoba? Nünü tümü rhimoba?