JOHAN 5:39 - AMÜSÜH HÜM CL Bible (BSI)

³⁹ Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

JOHAN 5:39 Iomraidhean Croise

MUNGSHIKHÜN 1:2

tüshe Atungpuh yakzan ching api asühkhi lah, tüsho azhing ayin api yakzan khechoh.

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 133:3

Haju Hermon ayinke, Zion müzüngbo kheak akikhi nangde lah; tümüde ju ching Atungpuhnü müngühmühi thiyukhüm jihdo– lünnü alapü rhangdung.

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 21:4

Apinü nü kilimnü rhangdung kheang, tüsho nünü api kilim rhangdung kutsüpde alapü jih.

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

ISAIA 34:16

Yimang tüsho Atungpuh hüm chingnü kheang: Harü bolung khülang she mülakphah; sheshe drepung mabande müla. Tümüde Atungpuh münnü thiyukhüm jihdo, tüsho api menü arü bemukhungdo.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

DANIEL 12:2

Asherü ahihdo asürülobah: khürü akheam müla rhangdung labah, tüsho khürü achih ngükhi tüsho akheam müla abahyuk labah.

MATHI 22:29

Jisunü arü ki alo, “Nüsanü amüsühyu yungsho Thrünpuh wu mümükheahde lakmihdo.

MARK 10:3

Apinü arü ki alo tüsho tha, “Mosanü nüsa ki tümü yukhüm jihkhea?”

MARK 12:10

Nüsanü amüsühyu ha mükhe de: ‘Thüyam thsürübonü abahyukkhi lung ju adungtobe amühit-lung kamdo.

LUKNÜ ATHRÜTKHI THIYUSHEAK-ATSÜ HUHTANYU 16:29

Abrahamnü api ki tha, ‘Arübo Mosa tüsho wukihrübo lah; arübonü arü yu anishang.’

LUKNÜ ATHRÜTKHI THIYUSHEAK-ATSÜ HUHTANYU 16:31

Tüshe apinü anihbuh ki tha, ‘Arünü Mosa tüsho wukihrübo yu manisho, ashekhi chingnü khürü arhang kamlolo she arünü mükinde alabah.’ ”

LUKNÜ ATHRÜTKHI THIYUSHEAK-ATSÜ HUHTANYU 24:25

Judüki apinü ane ki tha, “O makharübo, tüsho wukihrü alalanü athakhi kinpü müniokheamkhi mulong!

LUKNÜ ATHRÜTKHI THIYUSHEAK-ATSÜ HUHTANYU 24:27

Tüsho Mosa le wukihrübo kheaknü tankihbah amüsühyu alala ching anihbuh dünkheak ane ki thanaka huh.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 1:45

Philipnü Nathanael ngübah tha, “Mosa yakzan ching tüsho wukihrübonü thrüta lakhi Josep tsührü Nazarethrü Jisu isanü ngüdo.”

JOHAN 5:32

I thiyumütsan thsürü püpürü lah, tüsho apinü I thiyumütsan thsükhi thiyuro ah.

JOHAN 5:36

Tüshe Johan kheaknü I thiyumütsan atobe lah; tümüde abanshihpü I Buhnü ajihkhi rhimo, tüsho inü rhimode alakhinü Abuhnü I thiyikheah de thiyumütsan thsüchoh.

JOHAN 5:40

Tüshe nüsa rhangdung lapü thsüde nüsanü I kilim arüpü mümulong.

JOHAN 5:46

Tümütüsho nüsanü Mosa kinkhülaa, nüsanü I kinbah; tümüde apinü I dünkheak thrüt.

JOHAN 7:52

Arünü api ki alo tüsho tha, “Nü Galilee chingnü a de? Yimang tüsho kheahang, Galilee chingnü wukihrü sheshe masürü.”

YUNIRÜBO RHIMO 13:27

Tümüde Jirusalem ching lakhi mihtsürübo tüsho arü limberübonü api akhümkhitbuh de mümükheah yungsho wukihrübo yu Amuni aban khekhi manikhit, tüshe arünü Jisu bahyukkhinü wukihrübo yu dünjishihdo.

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

YUNIRÜBO RHIMO 26:27

Kiulongthsüpuh Agrippa, nünü wukihrübo kincho shi? Nünü kinchoh de inü mükheahlah.”

ROMRÜ KILIM PAULNÜ ATHRÜTKHI KIHÜM HUHTANYU 1:2

amüsühyubo ching api wukihrübo hode atannü apinü alokhikhi,

ROMRÜ KILIM PAULNÜ ATHRÜTKHI KIHÜM HUHTANYU 3:2

Limro aban ching hihde lah. Akhuhde, Jihudarü ju Thrünpuh müchityu bede thiyia lah.

YUZÜNGTHALO 18:15

Atungpuh nüsa Thrünpuhnü nüsa thsungkheak wukihrü I nangde nüsa tüsho keoniorü bolungnü akhiukshihbah. Nüsanü api ki anibah.

YUZÜNGTHALO 18:18

Inü arü keoniorü bolungnü nü nangde wukihrü khülang akhiukshihbah tüsho api mün ching I yu yukjihbah, tüsho inü api ki thiyukhüm jihkhi alala arü ki thabah.

YUZÜNGTHALO 29:29

“Aramkhi kukruk ju Atungpuh isa Thrünpuh yo ah, tüshe akhiukahuhkhibo lünnü isa tüsho isa tsührübo yo ah, junangde isanü ha yakzan anibah.

YUZÜNGTHALO 32:47

Tümüde ha nüsa thsungkheaknü akeangkeang yung, tümütüsho ha nüsa rhangdung, tüsho ha yunü nüsa Jordan hode yübah mükühpü lo ching jingtsüpkutsüp labah.”

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 11:35

Aliberübonü arü betsührü asherü arhang kamloa leangkhi. Khürü a atsübe rhangdung ching arhang kamlopü thsüde adükheshihpü reanglode thsümüchide sheshih.

JIHUSUA 1:8

Ha yakzan hüm ha nü mün chingnü düchamachihshih, tüshe nünü animung tüsho are tamkhüntamnüde kheang, junangde ha ching thrüta lakhi yande kümkangde arhimobah. Tüsho nü limro müngühmühide kukzamde alabah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.