JOHAN 5:24 - AMÜSÜH HÜM CL Bible (BSI)

²⁴ Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

JOHAN 5:24 Iomraidhean Croise

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

JOHAN 11:26

Tüsho sherünü I kheak lacho tüsho kinchonü küyimkishe müshe. Nünü ha kincho shi?”

JOHAN 12:44

Judüki Jisunü zhide tha, “Shepünü I kheak kinchonü, I yungde I thiyibuh kheak kinchoh.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

JOHAN 3:18

Shepü api kheak kinchonü mübahyuk; tüshe shepünü mükinnü bahyukabahdo, tümütüsho apinü Thrünpuh tsührü lapkhiung mung ching mükin.

JOHAN 3:36

Shepünü atsührü kheak kinchonü akheam müla rhangdung lah; tüsho shepünü atsührü mükinnü rhangdung müngü, tüshe api kheak Thrünpuh bukakhiukkhi lah.

JOHAN 4:36

Shepünü yimluchonü mihkhah dün ngüchoh tüsho akheam müla rhangdung thsungkheak hibo hanmukhungchoh, junangde mükheanbuh le yimlubuh ane chido rukhüh asühachihbah.

JOHAN 6:40

Tüsho ha I thiyibuh lümkhi ah, junangde atsührü ngübah api kheak kinrü aban akheam müla rhangdung labah; tüsho inü akheam nimung ching api arhang kamloshihbah.”

JOHAN 6:47

Atsütsü inü nüsa ki thachoh, shepünü I kheak kinchonü akheam müla rhangdung lah.

JOHAN 6:50

Ha yinmi chingnü akikhi yikhap, junangde khürünü ju tsühbah tüsho müshe.

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

1 TESALONIKA 5:9

Tümüde Thrünpuhnü isa bukakhiukpü thsungkheak yung, tüshe isa Atungpuh Jisu khrista hode akhümkhit ngüpü mokhit.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

1 JOHAN 3:14

Isanü keoniorü muzhokhinü ashe chingnü rhangdung lapü ching wukhiukdo de isanü mükheahlah. Shepünü mümuzhonü ashekhi ching lah.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.