JOHAN 5:20 - AMÜSÜH HÜM CL Bible (BSI)

²⁰ Tümüde Abuhnü atsührü muzhochoh, tüsho apinü arhimokhi alala api ki huhchoh; tüsho nüsanü amüyinsahpü thsüde harü kheaknü atobe rhimobo apinü anihbuh ki huhbah.

JOHAN 5:20 Iomraidhean Croise

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 17:5

Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

MATHI 4:8

Kheaküshe arimrinü awung khide achang kheak api bede yü, tüsho alomi kiulongthsübo alala tüsho arü müretahkhi huh.

LUKNÜ ATHRÜTKHI THIYUSHEAK-ATSÜ HUHTANYU 10:22

I Buhnü lüpdükhi I kilim jihdo, tüsho Abuh kheak hode shenü atsührü mümükheah, tüsho atsührü le api amikheak akhiukshihpü mokhitrü kheak hode shenü Abuh mümükheah.”

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 10:32

Jisunü arü ki tha, “I Buh kilimnü inü rhimo atsü ahihdo nüsa kilim huhdo. Jurü rhimobo küpü dünkheak nüsanü I kingcho?”

JOHAN 14:12

Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 3:35

Abuhnü atsührü muzhochoh, tüsho lüpdükhi api khah ching jihdo.

JOHAN 5:21

Tümüde Abuhnü asherü arhang kamloshihde arü ki rhangdung jikhi nangde atsührünü she apinü amulongrü ki rhangdung jihchoh.

JOHAN 5:25

“Atsütsü inü nüsa ki thachoh, kim arüchoh, tüsho kheakü asherünü Thrünpuh tsührü düsheak sopü lah; tüsho sherünü asobanü rhangdung labah.

JOHAN 5:29

tüsho akhiukbah–sherünü atsü rhimokheanü arhang kamlobah rhangdung labah, tüsho sherünü amütsü rhimokheanü arhang kamlokhi ching bahyukbah.

2 PETER 1:17

Tümütüsho wüntre-müretah kilimnü api kilim düsheak arüchoki Abuh Thrünpuh kilimnü apinü wüntre tüsho müretah leangkhi: “Ha I mulong keamkhi, inü amuzhokhi I tsührü ah.”