JOHAN 5:17 - AMÜSÜH HÜM CL Bible (BSI)

¹⁷ Tüshe Jisunü arü ki alo, “I Buhnü kheakü khiungde rhimochoh, tüsho I she rhimochoh.”

JOHAN 5:17 Iomraidhean Croise

MUNGSHIKHÜN 65:6

shepünü nihbuh sühmühnü awungbo, wunü züt thsübah lashih;

ISAIA 40:26

Nü mükjibo achang kheak züngkihang tüsho kheahang: Shenü harü thrünkhea? Shepünü chining boto akhiukshih tüsho arübo khecho, arü alala mungnü jichoh; tümütüsho api sühmüh ching tolah, wu ching tolah, khülang she mükhemüdüm.

MATHI 10:29

Shonak 1 mo khüjak mahne müyincho de? Tüshe arü khülang she nüsa Abuhnü mümükheahde alo ching mayokhichoh.

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 5:16

Ha dünkheaknü Jihudarünü Jisu thsümüchipü tankih, tümütüsho apinü ju Amuni rhimo.

JOHAN 5:18

Jumonü Jihudarünü api laksahpü alü thsüde yim, tümütüsho apinü Amuni lang athsümünimkhi yung, tüshe Thrünpuh ju api Abuh ah de tha, tüsho api ju Thrünpuh lung rukhüh khea lu.

JOHAN 9:4

Nimung lachoki I thiyibuh rhimobo inü arhimobeah; shenü she mürhimokhukpü thsüde azhing arüchoh.

YUNIRÜBO RHIMO 14:17

tüshe apinü anihbuh thiyumütsan mülade müthsü, tümüde apinü atsü rhimo tüsho thüning chingnü tsüng le akheahmünchi ching sangsolungsobonü nüsa mulong reangkeamde asühshihchoh.”

YUNIRÜBO RHIMO 17:28

tümüde ‘Api kheak isa lah, aphapchoh tüsho rhangdung lah’; tümüde nüsa yo thiyutsü thrütrü khürünü thaa lah, ‘Isa api tsührübo ah.’

1 KORINT 12:6

rhimo aphuaphu lah, tüshe arü aban kheak athsükhukpü jihkhi Thrünpuh rukhüh.

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.