JOHAN 5:10 - AMÜSÜH HÜM CL Bible (BSI)

¹⁰ Jumonü Jihudarünü athsüngubuh ki tha, “Ha Amuni ah; nünü yapkiu hanpü yakzan müla.”

JOHAN 5:10 Iomraidhean Croise

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

JEREMIA 17:21

Atungpuhnü ha thachoh: Nüsa rhangdung thsungkheaknü amunimung hah mühanpü kümkangang yungsho Jirusalem chipiripitbo chingnü hande düyüzah.

JEREMIA 17:27

Tüshe nüsanü amunimung müsühde azopü tüsho amunimung Jirusalem chipiripitbo ching hah mühanyukpü I ki manisho, ha chipiripitbo ching inü mo takkihbah; hanü Jirusalem dangpung aniuabahbah tüsho shenü müzünmütkhuk.

MATHI 12:10

Tüsho ju ching khah thripshe mihtsürü khülang lakheah. Arünü api ki anihbuh müdampü thsüde keokhi, “Amuni thsüngupü yakzan la de?”

MARK 2:24

Tüsho Pharisirünü api ki tha, “Kheahang, Amuni mürhimopü yakzan lakhi tümü thsükhi arünü rhimocho?”

MARK 3:4

Tüsho apinü arü ki tha, “Amuni atsü rhimobe yakzan la shi amütsü rhimobea, yungsho rhangdung khümkhitbea shi dashi alaksahbea?” Tüshe arünü malande la.

LUKNÜ ATHRÜTKHI THIYUSHEAK-ATSÜ HUHTANYU 13:14

Tüshe sinagog yakzanshuhbuhnü bukakhiuk, tümütüsho Jisunü Amuni thsüngu; tüsho apinü boto ki tha, “Mihtsürübonü arhimopü nimung thuruk lah; jumonü arang tüsho jurü ching thsüngua lung, tüshe Amuni yung.”

LUKNÜ ATHRÜTKHI THIYUSHEAK-ATSÜ HUHTANYU 23:56

Jushu arünü alode arübah thüneathürabebo tüsho rhümthünea müdangkebo thsakham. Tüsho arünü thiyuzüng yande Amuni sühakhim.

LUKNÜ ATHRÜTKHI THIYUSHEAK-ATSÜ HUHTANYU 6:2

Tüshe Pharisirü khürünü tha, “Tümü thsükhi Amuni rhimopü yakzan mülakhi nünü rhimocho?”

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 5:11

Apinü arü ki tha, “Shepünü I thsüngukheanü I ki tha, ‘Nü yapkiu hanang tüsho tsahang.’”

JOHAN 5:15

Mihtsürü junü chamachih tüsho api thsüngubuh ju Jisu ah de Jihudarü ki tha.

JOHAN 5:16

Ha dünkheaknü Jihudarünü Jisu thsümüchipü tankih, tümütüsho apinü ju Amuni rhimo.

JOHAN 7:23

Mosa yakzan müthsümünimpü thsüde mihtsürü khülang Amuni tsütabahsho, inü Amuni mihtsürü khülang tsüde akamshihpü dünkheak nüsanü I kheak bukakhiukcho de?

JOHAN 9:16

Jumonü Pharisirü khürünü tha, “Ha mihtsürü ju Thrünpuh kilimnü yung, tümütüsho apinü Amuni mümungchoh.” Püpürünü tha, “Aneakrünü küde thsah hadürü khinthiyinbe rhimokhukcho?” Tüsho arü bolung achamnak lakheah.