JOHAN 4:48 - AMÜSÜH HÜM CL Bible (BSI)

⁴⁸ Judüki Jisunü api ki tha, “Nüsabonü amüyinsahbebo tüsho khinthiyinbebo müngüyikia küdüküdü she akinpü yung.”

JOHAN 4:48 Iomraidhean Croise

DANIEL 4:2

Khide Achang Thrünpuhnü I thsungkheak amütsanbo tüsho amüyinsahbebo rhimokhibo inü asühde khechoh.

DANIEL 6:27

Apinü bekhitchoh tüsho khümkhitchoh, apinü yinmi ching tüsho alomi kheak amütsan tüsho khinthiyinbe rhimochoh; tümüde apinü kekhüzübo wu chingnü Daniel khümkhit.”

WÜHKHE 14:11

Tüsho Atungpuhnü Mosa ki tha, “ Harü mihtsürübonü külokhüh I bahyukba? Tüsho inü arü bolung khinthiyinbe huhhuh she, arünü külokhüh I kheak mükinba?

MATHI 16:1

Judüki Pharisirü le Sadukirübo arü tüsho yinmi chingnü amütsan khülang arü ki huhang de api rükde keo.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 27:42

“Apinü püpürü khümkhitdo; apinü anihbuh mükhümkhitkhuk. Api Israel kiulongthsüpuh a sho, kheakü apinü sangkim chingnü akishang, tüsho isanü api kheak akin labah.

MARK 13:22

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she mülapyukpü amütsanbo tüsho amüyinsahbebo huhbah.

LUKNÜ ATHRÜTKHI THIYUSHEAK-ATSÜ HUHTANYU 10:18

Tüsho apinü arü ki tha, “Thüning chingnü Arimri chinchobe nangde akikhi inü ngüdo.

LUKNÜ ATHRÜTKHI THIYUSHEAK-ATSÜ HUHTANYU 16:31

Tüshe apinü anihbuh ki tha, ‘Arünü Mosa tüsho wukihrübo yu manisho, ashekhi chingnü khürü arhang kamlolo she arünü mükinde alabah.’ ”

JOHAN 12:37

Tüshe apinü arü miki khinthiyinbe ahihdo rhimomo she arünü api kheak mükin,

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

JOHAN 2:18

Jumonü Jihudarübonü api ki tha, “Nünü ha rhimopü alim lah de ahuhpü isa ki khinthiyinbe tümü rhimoba?”

JOHAN 20:29

Jisunü api ki tha, “Thoma, tümütüsho nünü I ngümonü kindo. Shepünü müngü tütüshe kindünü müngühmühi.”

JOHAN 4:49

Atorü junü api ki tha, “Atobuh, I tsührü müsheyide akiang!”

YUNIRÜBO RHIMO 14:3

Jumonü ane ki amüyinsahbe tüsho khinthiyinbe rhimopü amüthsüm yusheak adüngakhi jihbuh Atungpuh thsungkheak anenü mulong tode thade kim ashang la.

YUNIRÜBO RHIMO 15:12

Tüsho amukhungrü alalanü zhikde la, tüsho Thrünpuhnü ane hode khiungkerü ki amüyinsahbe le khinthiyinbebo rhimokhi thiyusheak jihchoki arünü Barnaba tüsho Paul ki ani.

YUNIRÜBO RHIMO 2:19

Tüsho inü akulim thüning ching khinthiyinbebo tüsho abolim alomi kheak amütsanbo, thiyih, mo, tüsho mokhüh liude ahuhbah;

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

YUNIRÜBO RHIMO 2:43

Mihtsürü aban kheak atrepü arü; tüsho amüsüh-thsangyurübo hode khinthiyinbebo le amüyinsahbebo ahihdo rhimo.

YUNIRÜBO RHIMO 4:30

Nü yo amüsüh yamlarü Jisu hode athsüngupü tüsho khinthiyinbebo rhimopü nü khah chungkihang.”

YUNIRÜBO RHIMO 5:12

Amüsüh-thsangyurübonü khinthiyinbe tüsho amüyinsahbebo ahihdo mihtsürü bolung rhimo. Tüsho arü alala rukhüh Solomon yam ayinkhe khüp lakheah.

YUNIRÜBO RHIMO 6:8

Tüsho Stephennü akin tüsho wunü mide mihtsürü bolung khinthiyinbe tüsho amüyinsahbe atobo rhimo.

YUNIRÜBO RHIMO 7:36

Apinü Ijip ching, Amürüm keto, tüsho sunglo ching kam yirü khinthiyinbe tüsho amüyinsahbebo rhimode bekhit.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.

1 KORINT 1:22

Tümüde Jihudarünü amütsanbo kheangchoh tüsho Greekrünü lümlung yimchoh,

2 KORINT 12:12

I amüsüh-thsangyurü ah de amütsankhi nüsa bolung khinthiyinbe tüsho amüyinsahbebo ahihdo khide arümkheamde rhimodo.

2 TESALONIKA 2:9

Amünean rhimo hode mihbukmuyuk arükhi ju wu alala bede tüsho arükchih amütsanbo tüsho amüyinsahbebo,

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.