JOHAN 4:46 - AMÜSÜH HÜM CL Bible (BSI)

⁴⁶ Jumonü Jisunü Galilee ching lakhi Kana ching apinü kenü yukhu kamshihpung alode arü. Tüsho ju ching atorü tsührü khülang Kapernaum ching tukthsüde alakheah.

JOHAN 4:46 Iomraidhean Croise

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 78:34

Küyimki apinü arü khürü laksahkheanü, aninga larünü api yim; arünü mulong müthri tüsho azhihayihde Thrünpuh yim.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

MATHI 15:22

Tüsho kheahang, Kanan liberü khülang ju mükeak chingnü arü tüsho api ki zhide tha, “I kheak amüthsüm laang, O Atungpuh, David tsührü! I tsührübe khitode amünean me yüzah-a lah.”

MATHI 4:13

Apinü Nazareth bahjihbah yü tüsho Zebulun le Naphtali ching lakhi keto ki Kapernaum ching la,

MATHI 9:18

Apinü arü ki harü thade alachoki, Jihudarü atorü khülang api ki arübah khukningde tha, “I tsührübe kheakü shea lah, tüshe arübah anihbe kheak nü khahnü qiuang tüsho alibe arhang labah.”

LUKNÜ ATHRÜTKHI THIYUSHEAK-ATSÜ HUHTANYU 4:23

Tüsho apinü arü ki tha, “Tsükjide nüsanü ha müchityu wuh-a thabah, ‘Thümürü, nü küdah thsüde thsünguang; nünü Kapernaum ching tümü rhimokhi isanü asokheanü, nü kiuto ha ching she rhimoang.’ ”

LUKNÜ ATHRÜTKHI THIYUSHEAK-ATSÜ HUHTANYU 7:2

Kheakü Roman torü yamlarü khülang, apinü muzhode alakhi ashepü thsüde tukthsüde alakheah.

LUKNÜ ATHRÜTKHI THIYUSHEAK-ATSÜ HUHTANYU 8:42

tümüde atsührübe lapkhiung kam 12 bande alakhi ashepü thsüde alakheah. Tüshe api yüde alachoki botonü api zündoabah.

JOHAN 2:12

Ju dunglim api le abe, keoniorübo tüsho api jingyanrübonü Kapernaum lim yüki, tüsho arünü ju ching nimung anükhüh mung.

JOHAN 21:2

Simon Peter, rüpde-zübekhi de ajikhi Thoma, Galilee ching Kananrü Nathanael, Zebedee tsührübo, tüsho api jingyanrü püpürü mahne rukhüh lakheah.

JIHUSUA 19:28

Ebron, Rehob, Hammon, Kana tüsho Ato Sidon khiunglah;