JOHAN 4:38 - AMÜSÜH HÜM CL Bible (BSI)

³⁸ Nüsanü mürhimokhi yimlupü inü nüsa thiyido; püpürünü rhimodo, tüsho nüsanü arü rhimobo alü thsükhi yimludo.”

JOHAN 4:38 Iomraidhean Croise

2 KIUTHSÜYUKHEAN 36:15

Atungpuh , arü jipürü Thrünpuhnü api yunithsürübo hode mutukzhakde arü kilim thiyusheak yüshih, tümütüsho apinü anihbuh mihtsürü tüsho api lapung kheak amuzho lakheah;

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

MATHI 4:23

Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

JOHAN 1:7

Ha mihtsürü ju api hode alala kinshihpü ayin thiyumütsan thsüpü arü.

JOHAN 17:18

Nünü I alomi ching thiyikhi nangde, inü she arübo alomi ching thiyido.

JOHAN 4:37

Tümüde ha thakhi thiyuro lah: ‘Khülangnü mükheanchoh tüsho püpürünü yimluchoh.’

JOHAN 4:39

Tüsho, “Inü arhimokhi lüpdükhi apinü I ki thado,” de thiyumütsan thsükhi yu hode ju kiuto ching Samariarü ahihkhühnü api kheak kin.

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 4:32

Kheakü akinrü borü ju mulong tüsho me khülang lakheah, tüsho shenü she nihbuh kukruk ju api yo ah de mütha, tüshe lüpdükhi rukhüh yo lakheah.

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

YUNIRÜBO RHIMO 5:14

Tüsho püpüki kheaknü alü akinrübo athrürü tüsho aliberü boto Atungpuh lung kheyuk,

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

2 KORINT 10:15

Akhukhi hode isanü püpürü rhimokhi ching mükükheangchoh; tüshe nüsa akin zokihsho, nüsa bolung lakhi isa lu khide ato kambah de isa mulonglam lah,