JOHAN 4:28 - AMÜSÜH HÜM CL Bible (BSI)

²⁸ Jushu alibenü kephüh zojihbah kiuto lim alode yü, tüsho mihtsürübo ki tha,

JOHAN 4:28 Iomraidhean Croise

2 KIULONG THSÜRÜ 5:4

Jumonü Naamannü yüzah tüsho Israel lomi chingnü arükhi alibenü athakhi api tungpuh ki tha.

MATHI 28:8

Jumonü arünü trede tüsho khide asühde kiuyuk chingnü nahde chamachih, tüsho api jingyanrübo ki thapü alihde yü.

LUKNÜ ATHRÜTKHI THIYUSHEAK-ATSÜ HUHTANYU 24:33

Jumonü anenü ju kim chingnü tsahmusubah Jirusalem lim alode yü, tüsho thürükheak khülang lung püpürü mukhunga ngü,

LUKNÜ ATHRÜTKHI THIYUSHEAK-ATSÜ HUHTANYU 24:9

Judüki arünü kiuyuk chingnü alode arübah harü alala thürükheak khülang le aningkhibo ki tha.

JOHAN 4:27

Ju kim ching api jingyanrübo arü, tüsho apinü alibe ki asukachihkhi arünü müyinsah; tüshe, “Nü tümü yimcho, yungsho tümüde nünü alibe ki asukachihcho?” de shenü she mükeo.

JOHAN 4:29

“Arang, inü arhimokhi alala thabuh mihtsürü kheang. Ha Khrista laba shi?”

JOHAN 4:7

Samaria liberü khülang ke khippü arü, tüsho Jisunü alibe ki tha, “I kilim ke yungpü kü.”