JOHAN 4:21 - AMÜSÜH HÜM CL Bible (BSI)

²¹ Jisunü alibe ki tha, “Alibe, I kheak kinang, nünü ha müzüng kheak yungsho Jirusalem ching Abuh mükingaünpü kim arüchoh.

JOHAN 4:21 Iomraidhean Croise

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

EZEKIEL 14:3

Mihtsürü tsührü, harü mihtsürübonü arü mulong ching sangthsübo zhipshihlah tüsho arü mirobo miki mihbukmuyuk jingmükhelungbo yuklah. Inü judü lang arünü I dünkheak keokhishihba shi?

EZEKIEL 20:3

Mihtsürü tsührü, Israel azothsürü ki asukang tüsho arü ki thaang, Wuto Atungpuhnü thachoh: Nüsa I keokhikeorapü arükhea de? Tsükjide I lale, nüsa I mükeokhishih, Wuto Atungpuhnü thachoh.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 18:20

Tümütüsho küching I mung chingnü mahne yungsho mahsam mukhunga lanü, arü bolung I lah.”

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 16:32

Atsütsü kim arüchoh, am nüsanü I langzü zojihbah mihbüm aban nihbuh yam lim yüpü kheakü arüchoh. Tütüshe I langzü yung, tümütüsho Abuh I lung lah.

JOHAN 4:23

Tüshe thiyuro kingaünrünü me tüsho thiyuro chingnü Abuh kingaünpü kim arüchoh; tüsho ha kheak lah; tümüde Abuhnü api kingaünshihpü hadürü yimchoh.

JOHAN 5:25

“Atsütsü inü nüsa ki thachoh, kim arüchoh, tüsho kheakü asherünü Thrünpuh tsührü düsheak sopü lah; tüsho sherünü asobanü rhangdung labah.

JOHAN 5:28

Ha kheak dümüyinsah; tümüde kiuyukbo ching larü alalanü api düsheak sopü kim arüchoh

YUNIRÜBO RHIMO 6:14

tümüde Nazarethrü Jisu hanü arüngyam lukbah tüsho Mosa kilimnü arükhi yakli alala müthribah de athakhi isanü sodo.”

EFISIA 2:18

tümütüsho api hode isa chido Me khülang ching Abuh kilim arüshihpü lah.

EFISIA 3:14

Hamonü inü Abuh miki khukningchoh,

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.

AMIKHEAKAKHIUKKHI 21:22

Inü kiuto ching arüngyam tümü müngü, tümüde arüngyam ju Wuto Atungpuh Thrünpuh tüsho Namfimihnunu ah.