JOHAN 4:20 - AMÜSÜH HÜM CL Bible (BSI)

²⁰ Isa jipürübonü ha müzüng kheak kingaünkheah, tüsho Jirusalem ching nüsanü kingaünpü dangpung lah de nüsa Jihudarünü thachoh.”

JOHAN 4:20 Iomraidhean Croise

1 KIULONG THSÜRÜ 9:3

Atungpuhnü api ki tha, “Nünü I miki tamkhüntamnükhi tüsho zhoshekhi inü sodo; nünü athsükhi yam ha inü müsühkhitdo, tüsho ju ching lün thsungkheak I mung yuka zolah; I mük tüsho I mulong lünnü ju ching labah.

1 KIUTHSÜYUKHEAN 21:26

Davidnü ju ching Atungpuh kilim kingaün sadam khülang thsü tüsho taka kingaünkhi le mungtsü kingaünbo jih. Apinü Atungpuh ki ji, tüsho apinü taka kingaünkhi kingaün sadam kheak thüning chingnü mo akishihde api ki alojih.

1 KIUTHSÜYUKHEAN 22:1

Judüki Davidnü tha, “Ha kheak Atungpuh Thrünpuh yam labah tüsho ha kheak Israel thsungkheak taka kingaünpü kingaün sadam labah.”

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

2 KIUTHSÜYUKHEAN 7:12

Judüki azhing ching Atungpuhnü Solomon ki akhiuka huh tüsho api ki tha: “Inü nü tamkhüntamnü sodo, tüsho ha dangpung ha I thsungkheak shuhmülanga jihpung yam de mokhitdo.

2 KIUTHSÜYUKHEAN 7:16

Tümüde kheakü ha yam inü mokhitdo tüsho müsühkhitdo, junangde ju ching I mung lünnü alabah; I mükbo tüsho I mulong ju ching kim alala thsungkheak labah.

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 78:68

tüshe apinü Juda trük, apinü muzhokhi Zion Müzüng mokhit.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

LUKNÜ ATHRÜTKHI THIYUSHEAK-ATSÜ HUHTANYU 9:53

Tüshe arünü api mübeyuk, tümütüsho api ju Jirusalem lim yüde alakheah.

JOHAN 4:12

Nü a isa jipürü, api le atsührübo tüsho shiwühbo yungbah isa kilim kekhip jihbuh Jakob kheaknü atobe a de?”

YUZÜNGTHALO 11:29

Tüsho ha ruk labah, küyimki Atungpuh nüsa Thrünpuhnü nüsanü amükühpü lakhi lo ching bedarübanü, Gerizim müzüng kheaknü müngühmühi zhiyukang tüsho Ebal müzüng kheaknü muthrumünean zhiyukang.

YUZÜNGTHALO 27:12

“Küyimki nüsa Jordan hobanü mihtsürübo müngühmühi jihde Gerizim wung kheak harü zhipbah: Simeon, Levi, Juda, Issakar, Josep, tüsho Benjamin;