JOHAN 4:10 - AMÜSÜH HÜM CL Bible (BSI)

¹⁰ Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:10 Iomraidhean Croise

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

ABEKHIT 17:6

Kheahang, I nü müngüh Horeb kheak zhipbah; nünü lungto kheak rhapbah tüsho ke akhiukbah, junangde mihtsürübonü ayungbah.” Tüsho Israel azothsürübo mikinü Mosanü jude rhimo.

KHÜNBOLUNGKHÜN 4:15

ke-bukpung wündo, rhangdung kekhip, tüsho Lebanon chingnü keyung bukkhibo.

ISAIA 12:3

Asühde akhümkhit kekhip chingnü nünü ke khipbah.

ISAIA 35:6

Judüki jingkikrünü shihmüchi nangde ajukbah, tüsho mulokikrünü asühkhi khün thsübah. Tümüde sunglo ching ke bukkhitbah tüsho loshelo ching yungzü labah;

ISAIA 42:6

I Atungpuh , inü thiyuro-lungki ching jikheah, nü I khahnü bea lu tüsho zo; inü nü mihtsürübo kilim tangzüng khülang, trükshihbo kilim ayin nangde jih,

ISAIA 43:20

Mütüm shiwühbonü I ki wüntre jihbah, shirungbo tüsho kewühtopübo; tümüde inü mokhitkhi mihtsürü kilim ayungpü thsüde inü sunglo ching ke jihchoh, loshelo ching ayungbo jihchoh,

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

EZEKIEL 16:35

Jumonü nü müzammüramrü, Atungpuh yu aniang!

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

ZEKARIA 14:8

Ju nimung Jirusalem chingnü rhangdung kebo bukkhitbah, chamkhüh aniakhiuklim keto lim tüsho chamkhüh aniyüzahlim keto lim yübah; ha tsüngkam ching le muzhu ching mutuklode alabah.

LUKNÜ ATHRÜTKHI THIYUSHEAK-ATSÜ HUHTANYU 11:13

Junangde nüsa amütsü thsüa lalashe, nüsa tsührübo kilim atsü jihpü mükheahsho, nüsa Abuhnü api ki kheangrü kilim Amüsüh Me küdükhüh she ajihba!”

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 6:35

Tüsho Jisunü arü ki tha, “I rhangdung tsühyungbe ah. Shepü I kilim arüchonü küyimkishe mükhüm, tüsho shepünü I kheak kinchonü küyimkishe kemüthüri.

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

YUNIRÜBO RHIMO 9:11

Atungpuhnü api ki tha, “Langakindo alakhi kiudunglimro kheak Juda yam ching yüang tüsho Tarsa chingnü mihtsürü khülang amung Saul dünkheak keokhiang, tümüde api tamkhüntamnüde lah.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 10:4

tüsho alalanü rukhüh me yungbe yung. Tümüde arünü arü lung yükhi me Lung chingnü yung, tüsho Lung ju Khrista lakheah.

2 KORINT 9:15

Müthakhukbe api thsambah thsungkheak Thrünpuh kilim makshe jihang!

EFISIA 2:8

Tümüde akin hode amüthsümnü nüsa khümkhit; tüsho ha nüsa rhimo yung, ha Thrünpuh thsambah lah,

IBRI 6:4

Tümüde khülangki mulong müthribah, yinmi thsambah tsahkeakheahkhi, tüsho Amüsüh Me ching shihcham lurü thsungkheaknü amukukkhi lah;

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”