JOHAN 3:8 - AMÜSÜH HÜM CL Bible (BSI)

⁸ Apungnü külimpeang yünnelanü yünchoh, tüsho nünü ju düsheak sochoh, tüshe küchingnü arücho tüsho külim yüchonü nünü mümükheah, me ching zübekhi aban junangde lah.”

JOHAN 3:8 Iomraidhean Croise

MUNGSHIKHÜN 107:25

Tümüde apinü thiyukhüm jihchoh tüsho chinthrüm apung asürüshihchoh, junü keto abükkhi bekihchoh.

MUNGSHIKHÜN 107:29

Apinü tsüngpungtsüngpung keamloshih, junangde ke abükkhi zhikde la.

MUNGSHIKHÜN 135:7

Apinü alomi akheam chingnü kesheakbo akihshihchoh; apinü tsüng thsungkheak chinchobe thsüchoh; apinü api rahpungbo chingnü apung bekhitchoh.

T H S AN GYU T H S AN GR ARÜ 1:6

Apungnü düjinglim yünchoh tüsho dukulim mükamde yüchoh; mükamphülapde apung yünchoh, tüsho amüheanpungnü apung alode arüchoh.

EZEKIEL 37:9

Judüki apinü I ki tha, “Sheak ki müchitang, mihtsürü tsührü, müchitang tüsho sheak ki thaang: Atungpuh Thrünpuhnü ha thachoh: Apungbo thrip phüyi chingnü arang, O sheak, tüsho harü alaksahkhibo kheak sheak thsüyukang, junangde arübo rhangdung labah.”

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

JOHAN 3:7

Nü zübephulobah de inü nü ki thakhi dümüyinsah.

JOHAN 3:9

Nikodemanü alo tüsho api ki tha, “Ha küde alapü?”

YUNIRÜBO RHIMO 2:2

Tüsho zukleangnü yinmi chingnü düsheak khülang, apung müküpde ayünkhi nangde arü, tüsho arü binde alakhi thüyam alala mide kam.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.

1 KORINT 12:11

Harü alala Me khülang tüsho rukhüh rhimo ah, tüsho apinü alümkhi yande mihbüm aban kilim jihchoh.

1 KORINT 2:11

Tümütüsho mihtsürü kheak lakhi menü yungsho, shepünü mihtsürü lümkhi mükheahla?

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.