JOHAN 3:5 - AMÜSÜH HÜM CL Bible (BSI)

⁵ Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

JOHAN 3:5 Iomraidhean Croise

MATHI 18:3

tüsho tha, “Atsütsü inü nüsa ki thachoh, nüsa mulong müthribah azürü nunubo nangde mükamsho, küde thsüthsü she nüsanü yinmi kiulongthsü ching müyüzahkhuk.

MATHI 19:24

Kheaküshe inü nüsa ki thachoh, alarü mihtsürü khülangnü Thrünpuh kiulongthsü ching yüzahpü kheaknü a kemelnü dübean-ku chingnü chinkhitde ahokhi athülihbe ah.”

MATHI 21:31

Mahne bolung shepünü abuhnü alümkhi rhimokhea?” Arünü alo, “Akhuhbuhnü.” Jisunü arü ki tha, “Atsütsü inü nüsa ki thachoh, ruk-threrü tüsho müzammüramrübo nüsa müngühnü Thrünpuh kiulongthsü ching yüchoh.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

MATHI 3:11

Inü nüsa mulong müthrirü kenü baptijihchoh, tüshe shepü I dunglim arüchonü I kheaknü atobe, ajingkhümpübo inü ahanpü müthülün. Apinü Amüsüh Me tüsho monü nüsa baptijihbah.

MATHI 5:20

Tümüde nüsa thiyurolungkinü Pharisirü tüsho yakzan thsangyurü müzhihosho tsükjide yinmi kiulongthsü ching müyüzah de inü nüsa ki thachoh.

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

MARK 9:47

Tüsho nü müknü neak yihbeakshihsho, ju khünkhita bahang. Mük mahne kihbah athsümüchi motru ching jipyukpü dün a, mük khülang kihbah Thrünpuh kiulongthsü ching yüzahkhi atsübe–

LUKNÜ ATHRÜTKHI THIYUSHEAK-ATSÜ HUHTANYU 13:24

“Chipimurung amütsümbe chingnü ayüzahpü mürangang, tümüde inü nüsa ki thachoh, ahihkhühnü ayüzahpü yimbah tüshe mukukde alabah.

LUKNÜ ATHRÜTKHI THIYUSHEAK-ATSÜ HUHTANYU 13:3

Inü nüsa ki thachoh, jude yung; tüshe nüsanü mulong mümüthrisho ju ruk nüsa alala dükheakbah.

LUKNÜ ATHRÜTKHI THIYUSHEAK-ATSÜ HUHTANYU 13:5

Inü nüsa ki thachoh, ju yung; tüshe nüsanü mulong mümüthrisho, ju ruk nüsa alala dükheakbah.”

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 3:4

Nikodemanü api ki tha, “Mihtsürü khülang azorü kambah küde thsah azübepü? Apinü mahne kipü abe buk ching wutubah azübeba shi?”

YUNIRÜBO RHIMO 2:38

Tüsho Peternü arü ki tha, “Nüsa mihbüm abannü nüsa neak bahpü thsungkheak Jisu Khrista mung chingnü mulong müthriang tüsho baptiang; tüsho nüsanü Amüsüh Me thsambah leangkhibah.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

ROMRÜ KILIM PAULNÜ ATHRÜTKHI KIHÜM HUHTANYU 8:2

Tümüde Jisu Khrista ching Me rhangdung yakzannü neak yakzan tüsho ashe chingnü I zuzu kamshih.

1 KORINT 15:50

Keoniorübo, inü nüsa ki ha thachoh: Shih tüsho thiyihnü Thrünpuh kiulongthsü yamrüplurüp mulukhuk, yungsho adükheakbenü amüdükheakbe yamrüplurüp muluchoh.

1 KORINT 2:12

Kheakü isanü alomi yo me yung, tüshe Thrünpuhnü isa kheak jih-a lakhi thsambah anikhitpü Thrünpuh kilimnü Me leangkhi.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

GALATIA 6:15

Tsütabahkhi yungsho tsütamübahkhi tümü she yung; aso thrünlokhi ju lang khechoh.

EFISIA 5:26

junangde kenü amüsüh dunglim api yunü anihbe tsangkhitpü thsü,

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.