JOHAN 3:3 - AMÜSÜH HÜM CL Bible (BSI)

³ Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 3:3 Iomraidhean Croise

JEREMIA 5:21

Ha aniang, O makhakhi tüsho sulüm mülakhi mihtsürübo, sherü mükjibo la, tüshe müngücho, sherü nükhünbo la, tüshe musocho.

EZEKIEL 36:26

Inü mulong aso khülang nü kilim jihbah, tüsho me aso khülang nü kheak yukjihbah; tüsho inü nü pang chingnü lungto mulong yihkhitbah tüsho nü kilim shihtsü mulong khülang jihbah.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

MATHI 19:24

Kheaküshe inü nüsa ki thachoh, alarü mihtsürü khülangnü Thrünpuh kiulongthsü ching yüzahpü kheaknü a kemelnü dübean-ku chingnü chinkhitde ahokhi athülihbe ah.”

MATHI 21:31

Mahne bolung shepünü abuhnü alümkhi rhimokhea?” Arünü alo, “Akhuhbuhnü.” Jisunü arü ki tha, “Atsütsü inü nüsa ki thachoh, ruk-threrü tüsho müzammüramrübo nüsa müngühnü Thrünpuh kiulongthsü ching yüchoh.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

MARK 10:14

Tüshe küyimki Jisunü ju ngükhea, api khide masühde kam tüsho arü ki tha, “Azürü aninibo I kilim arüshang, tüsho arü düyanlo; tümütüsho Thrünpuh kiulongthsü harü yo ah.

MARK 9:47

Tüsho nü müknü neak yihbeakshihsho, ju khünkhita bahang. Mük mahne kihbah athsümüchi motru ching jipyukpü dün a, mük khülang kihbah Thrünpuh kiulongthsü ching yüzahkhi atsübe–

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

JOHAN 1:5

Ayinnü amiting ching tahchoh, tüsho amitingnü ju müyihdokhuk.

JOHAN 1:51

Tüsho apinü anihbuh ki tha, “Atsütsü inü nü ki thachoh, ha dunglim nünü yinmi khimshuhbah Thrünpuh yunirübo Mihtsürü Tsührü kheak yükihla akila dükhi ngübah.”

JOHAN 12:40

“Apinü arü mük tukshih tüsho arü mulong müküpshih, jude yungsho arü mükbonü angübah tüsho mulongnü anikhitbah, tüsho rholode arübah inü arü thsüngubah.”

JOHAN 3:4

Nikodemanü api ki tha, “Mihtsürü khülang azorü kambah küde thsah azübepü? Apinü mahne kipü abe buk ching wutubah azübeba shi?”

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

2 KORINT 5:17

Jumonü khürü Khrista ching lasho, api aso thrünlokhi ah; awünbe hode tsodo, kheahang, aso arüdo.

GALATIA 6:15

Tsütabahkhi yungsho tsütamübahkhi tümü she yung; aso thrünlokhi ju lang khechoh.

EFISIA 2:1

Tüsho nüsa alakmihkhibo tüsho neakbo ching shea lakhi apinü arhang kamshih,

YUZÜNGTHALO 29:4

Tütüshe ha nimung khiungde, Atungpuhnü nüsa ki anikhitpü lüm, angüpü mük tüsho asopü nükhün müjih.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

1 JOHAN 2:29

Api thiyuro-lungki ah de nüsanü mükheahsho, alungki rhimorü aban api tsührü ah de nüsanü amütsanbah.

1 JOHAN 3:9

Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

1 JOHAN 5:18

Thrünpuh tsührünü a neak müyihbeak de isanü mükheahlah, tüshe shepü Thrünpuh tsührüanü apinü kümchoh, tüsho amüneannü api müqiu.

1 JOHAN 5:4

Tümütüsho Thrünpuh tsührübo abannü alomi kukchoh; tüsho isa akin hode isanü alomi kurungkheak akuk ngükhi lah.

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.