JOHAN 3:29 - AMÜSÜH HÜM CL Bible (BSI)

²⁹ Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

JOHAN 3:29 Iomraidhean Croise

KHÜNBOLUNGKHÜN 3:11

Akhiukang, O Zion tsührü liberübo, abenü api thranjihkhi kuthran kheak api yamkhün thsükhi nimung, api mulong asühkhi nimung kiulongthsüpuh Solomon kheak kheahang.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 66:11

Junangde nü mütrübah tüsho mulong shukheamkhi khüh kheak reangkeambah; junangde anihbe müretahkhi khüh chingnü asühde duka yungbah.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

HOSEA 2:19

Tüsho inü nü lünnü I niube thsüpü lubah; inü nü thiyuro-lungki, thiyuro, muzhodakkhi, tüsho mihmüthsüm chingnü I niube thsüpü lubah.

MATHI 22:2

“Yinmi kiulongthsü ju ha kiphahlah. Kiulongthsürü khürünü api tsührü thsungkheak yamkhün kamkhi thünio thsakham,

MATHI 25:1

“Judüki yinmi kiulongthsü ju atsangkhit anünürü 10 arü tsünpung shuhbah yamkhün-kamrü mihleang yükhi kiphahde alabah.

MATHI 9:15

Jisunü arü ki alo, “Yamkhünkambuh arü lung lachoki amüyamrübonü atüzhopü kukla de? Tüshe arü kinü yamkhün-kambuh bede atsopü nimungbo arübah, tüsho arünü khümkeak thsübah.

LUKNÜ ATHRÜTKHI THIYUSHEAK-ATSÜ HUHTANYU 15:6

Küyimki thüyam lim arübanü, apinü müyamrübo le yamhingrü jimukhungde arü ki thachoh, ‘I lung asühang, tümüde adükheakkhi namfimihnu inü ngüdo!’

JOHAN 15:11

“I asühkhi nüsa kheak lapü tüsho nüsa asühkhi khiukde alapü thsüde inü harü nüsa ki asukdo.

JOHAN 16:24

Kheakü khiungde nüsanü I mung chingnü tümü mükheang. Kheangang tüsho nüsanü angübah, junangde nüsa asühkhi suhdahde alabah.

JOHAN 17:13

Tüshe kheakü I nü kilim arüchoh, tüsho arü kheak I asühkhi dünjishihpü thsüde inü harü alomi ching thachoh.

JOHAN 3:30

Api ato kambah, tüshe I a aninibe kambah.”

2 KORINT 11:2

Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido.

FILIPI 2:2

ju lümkhi, amuzho, arihako tüsho lümkhi khülangnü I asühkhi banthsangshang.

1 JOHAN 1:4

Tüsho isa asühkhi khiukdahde alapü thsüde isanü ha thrütchoh.

2 JOHAN 1:12

Inü nüsa kilim hihde athrütpü lalashe, inü hüm tüsho doke mahorinü, tüshe inü arübah nüsa shorupü tüsho nüsa ki mironü miro asukachihpü mulonglam lah.

AMIKHEAKAKHIUKKHI 21:9

Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.”