JOHAN 3:23 - AMÜSÜH HÜM CL Bible (BSI)

²³ Kheakü Johan she Salim phüni Aenon ching baptide alakheah, tümütüsho ju ching ke suhde alakheah.

JOHAN 3:23 Iomraidhean Croise

THRÜNTAN 33:18

Tüsho Jakobnü api limro Paddan-aram chingnü Kanan lomi ching lakhi Shekem kiuto ching tsüde arü; tüsho apinü kiuto müngüh bin.

JEREMIA 51:13

Nüsa sherü ke ahihdo yean lacho, rahpungbo ching lakhit la, nüsa yo akheam arüdo, nü rhangdung liu yihshakdo.

EZEKIEL 19:10

Nü be ju nü yo kurungasolu ching kurungaso khülang ke ching khimkhi nangde lah; Ke suhdahkhi hode aso aso tüsho akhahbo mide la.

EZEKIEL 43:2

Tüsho ju ching Israel Thrünpuh müretahkhi ju aniakhiuklimnü arüde alakheah; düsheak ju keto ato düsheak nangde alakheah; tüsho api müretahkhinü alomi tah.

LUKNÜ ATHRÜTKHI THIYUSHEAK-ATSÜ HUHTANYU 3:7

Johannü apinü baptishihpü arürü botobo ki tha, “Nüsa phuruto tsührübo! Bukakhiuk arüpü lakhi chingnü shepünü nüsa müzüna tsoshihkhea?

JOHAN 3:22

Ju dunglim Jisu tüsho api jingyanrübo Judea lomi ching arü, tüsho ju ching arü lung api la tüsho bapti.

JOHAN 3:24

Tümüde Johan ju rihyam ching muyukyide alakheah.

AMIKHEAKAKHIUKKHI 1:15

api jing ju aphezhingzhingkhi, mo chingnü atsangkhitkhi müwayinchi nangde, tüsho api düsheak ju kezho ahukkhi nangde alakheah;

AMIKHEAKAKHIUKKHI 14:2

Tüsho inü yinmi chingnü ke ahihkhüh tüsho tsüngmuk düsheak ato nangde so; inü asokhi düsheak ju khün-khungrünü arü bingkhung khungkhi nangde alakheah,

AMIKHEAKAKHIUKKHI 19:6

Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.

1 SAMUEL 9:4

Anenü Ephraim awung lomi ho tüsho Shalishad lomi hode yü, tüshe anenü müngü. Tüsho ane Shaalim lomi hode yü, tüshe ju ching mülade alakheah. Jushu ane Benjamin lomi hode yü, tüshe anenü müngü.