JOHAN 21:22 - AMÜSÜH HÜM CL Bible (BSI)

²² Jisunü api ki tha, “I arüpü khiungde inü api alashihpü mulongsho, nü tümü la? Nünü I yanang.”

JOHAN 21:22 Iomraidhean Croise

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 24:27

Tümüde aniakhiuklimnü chinchobe arübah aniyüzahlim phürapa yüshihkhi nangde Mihtsürü Tsührü arükhi labah.

MATHI 24:3

Kheakü api Oliv Müzüngbo kheak binde alachoki jingyanrübonü api kilim mükhingde arübah tha, “Harü küyimki dünjibanü isa ki thaang? Tüsho nü arükhi le lün akheam amütsan tümü laba?”

MATHI 24:44

Jumonü nüsa she atündoang, tümüde nüsanü amülümkhi kim khülang ching Mihtsürü Tsührü arübah.

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MATHI 8:22

Tüshe Jisunü api ki alo, “I dunglim yanang, tüsho asherünü arü asherü kiuyuka bahshang.”

MARK 9:1

Tüsho apinü arü ki tha, “Atsütsü inü nüsa ki thachoh, nüsa ha ching zhiprü khürü a wu chingnü Thrünpuh kiulongthsü arükhi müngüyikia müshede alabah.”

JOHAN 21:19

Ha tümü limronü Peter shebah Thrünpuh müretahpü lanü amütsan apinü athakheah. Tüsho küyimki apinü ha thakheanü anihbuh ki tha, “I dunglim yanang.”

JOHAN 21:21

Peternü api ngübah Jisu ki tha, “Tüshe Atungpuh, ha mihtsürü küde?”

1 KORINT 11:26

Tümüde nüsanü küdükhüh ki ha yikhap tsühba tüsho pung yungbanü api arü khiungde Atungpuh shekhi dünkheak zhiyukjang.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

1 TESALONIKA 2:19

Tümüde isa Atungpuh Jisu miki api arüchoki isa mulonglam yungsho asühpü yungsho akükheangkhi amütsan tümü laba? Ju nüsa yung de?

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.

JAKOB 5:8

Nüsa she arümkheamang, mulong ayihyih thsang, tümüde Atungpuh arüpü thüninde lah.

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 2:25

nüsa tümü lanü ju kheak lang I arü khiungde düküngde ramrihang.

AMIKHEAKAKHIUKKHI 22:20

Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!

AMIKHEAKAKHIUKKHI 22:7

Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.

AMIKHEAKAKHIUKKHI 3:11

I nahde arüchoh; shenü she nü kuthran mulupü thsüde nü tümü lanü düngde ramrihang.