JOHAN 21:19 - AMÜSÜH HÜM CL Bible (BSI)

¹⁹ Ha tümü limronü Peter shebah Thrünpuh müretahpü lanü amütsan apinü athakheah. Tüsho küyimki apinü ha thakheanü anihbuh ki tha, “I dunglim yanang.”

JOHAN 21:19 Iomraidhean Croise

WÜHKHE 14:24

Tüshe I yamlarü Kaleb kheak me büthsüde alakhi hode mulong jihde I yan, api yükhi lo lim inü api bedarübah tüsho atsührü-tsührübonü ju yamrüplurüp lubah.

MATHI 10:38

Tüsho shepünü nihbuh sangkim hanbah I dunglim müyannü I jingyanrü thsüpü müthülün.

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MATHI 8:22

Tüshe Jisunü api ki alo, “I dunglim yanang, tüsho asherünü arü asherü kiuyuka bahshang.”

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 12:33

Api tümünü ashebanü ju amütsan apinü athakheah.

JOHAN 18:32

junangde Jisunü api künangde ashebeanü amütsan thsüde athakhi dünjipü lakheah.

JOHAN 21:18

Atsütsü inü nü ki thachoh, küyimki nü athunu lakhea, nü küdah thsüde khimmih yihbah nünü amulongkhi lim tsah; tüshe küyimki nü ashinbanü, nünü nü khahbo chungbah, tüsho püpürünü nü khimmih yihjihbah tüsho nünü mümulongkhi lim bede ayübah.”

JOHAN 21:22

Jisunü api ki tha, “I arüpü khiungde inü api alashihpü mulongsho, nü tümü la? Nünü I yanang.”

FILIPI 1:20

inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah.

2 PETER 1:14

tümütüsho isa Atungpuh Jisu Khristanü I ki huhkhi yande I pang nahde luakhinbah de inü mükheahlah.

1 SAMUEL 12:20

Tüsho Samuelnü mihtsürübo ki tha, “Dütre; nüsanü ha amütsü rhimobo alala rhimodo, tütüshe Atungpuh yankhi chingnü dürholo, tüshe nüsa mulong athrünkhinü Atungpuh tankihang;