JOHAN 21:18 - AMÜSÜH HÜM CL Bible (BSI)

¹⁸ Atsütsü inü nü ki thachoh, küyimki nü athunu lakhea, nü küdah thsüde khimmih yihbah nünü amulongkhi lim tsah; tüshe küyimki nü ashinbanü, nünü nü khahbo chungbah, tüsho püpürünü nü khimmih yihjihbah tüsho nünü mümulongkhi lim bede ayübah.”

JOHAN 21:18 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 12:37

Aputungrü arüde alachoki atünadode alakhi ngürü yamlarübo asühpü. Atsütsü inü nüsa ki thachoh, apinü nihbuh chim rümbah arübo yimtsühpü binshihbah, tüsho arübah arü ahiuhakhipbah.

JOHAN 13:36

Simon Peternü api ki tha, “Atungpuh, nü küching yücho?” Jisunü api ki alo, “I küching yüchonü nünü kheakü I müyankhuk, tüshe anükhüh dunglim nünü I yankhukbah.”

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 21:19

Ha tümü limronü Peter shebah Thrünpuh müretahpü lanü amütsan apinü athakheah. Tüsho küyimki apinü ha thakheanü anihbuh ki tha, “I dunglim yanang.”

YUNIRÜBO RHIMO 21:11

Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.”

2 KORINT 5:4

Tümüde isa ha khimyam ching lachoki, isa mulong duklah tüsho hahmülang lah, tümütüsho isa muphuyupü yung tüshe yinmi yamnü aphudopü künlah, junangde tümü ashepü lanü rhangdungnü muyuabahbah.