JOHAN 21:17 - AMÜSÜH HÜM CL Bible (BSI)

¹⁷ Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 21:17 Iomraidhean Croise

2 SAMUEL 7:20

Tüsho Davidnü kheaküshe nü ki tümü thakhukba? Tümüde nünü nü yamlarü mükheahlah, O Atungpuh T HRÜNPU H !

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

1 KIUTHSÜYUKHEAN 17:18

Tüsho nü yamlarü ki wüntre jihkhi thsungkheak Davidnü nü ki tümü thakhukba? Nünü nü yamlarü mükheahlah.

1 KIUTHSÜYUKHEAN 29:17

I Thrünpuh, nünü mulong yimchoh tüsho thiyuro lungki ching reangkeamchoh de inü mükheahlah; I mulong alungki chingnü inü ha kukrukbo alala akeangnü jihdo, tüsho kheakü nü mihtsürübonü ha ching nü kilim akeangnü tüsho asühde ajihkhi inü ngüdo.

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

TÜZHOKHI 3:33

tümüde apinü künsahde mihtsürü tsührü müthsünüshih yungsho mulong murozhakshih.

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MARK 14:72

Mahne kipü thununü khung. Tüsho Jisunü api ki thakhi yu lümkhit, “Thununü mahne ki mukhungyide nünü I mahsam ki malokhide alabah.” Tüsho küyimki ha dünkheak lümkhea, apinü trip.

JOHAN 12:8

Tümüde zhochihrü a nüsa lung kamruhroro lah, tüshe I a nüsa lung kamruhroro lapü yung.”

JOHAN 13:38

Jisunü api ki alo, “I dünkheaknü nünü nü rhangdung jihba de? Atsütsü inü nü ki thachoh, nünü mahsam ki I malokhiyi khiungde thununü mukhung.

JOHAN 14:15

“Nüsanü I muzhosho, I yuzüngbo zoang.

JOHAN 15:10

Nüsanü I yuzüng zosho, inü I Buh yuzüng zobah api amuzho ching lakhi nangde nüsanü I muzho ching labah.

JOHAN 16:30

Kheakü nünü alala mükheahlah de isanü mükheahlah, tüsho shenü she nü ki keokhipü yihnüpü müla. Ha hode nü ju Thrünpuh kilimnü arükheah de isanü kinlah.”

JOHAN 18:27

Peternü kheaküshe reanglo; tüsho zukleangnü thununü khung.

JOHAN 18:4

Jumonü Jisunü api kheak dünjipü alala mükheahbah mikhuhlim yü tüsho arü ki tha, “Nüsanü she yimcho?”

JOHAN 21:18

Atsütsü inü nü ki thachoh, küyimki nü athunu lakhea, nü küdah thsüde khimmih yihbah nünü amulongkhi lim tsah; tüshe küyimki nü ashinbanü, nünü nü khahbo chungbah, tüsho püpürünü nü khimmih yihjihbah tüsho nünü mümulongkhi lim bede ayübah.”

JOHAN 4:16

Jisunü alibe ki tha, “Yüang tüsho nü niubuh jibah ha ching arang.”

YUNIRÜBO RHIMO 1:24

Tüsho arünü tamkhüntamnü, “O Atungpuh, shepünü alala mulong mükheahla, hane bolung nünü shepü mokhitdünü huhang,

YUNIRÜBO RHIMO 11:10

Ha mahsam kipü dünji, tüsho alala thüning lim thokihloa lu.

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

JIHUSUA 22:22

“Atungpuh ju thrünpuhbo kurungkheak Thrünpuh! Atungpuh ju thrünpuhbo kurungkheak Thrünpuh! Apinü mükheahlah; tüsho Israelrünü she mükheahshihnelah! Ha Atungpuh azhihde api kheak akin mülaa lasho, khihni isa dülashih!

1 PETER 1:6

Anükhüh labah rükaki aphuaphu ching nüsa thsünüpü laa lalashe, ha dünkheak nüsanü asühachihang,

2 PETER 3:1

Amuzho müyamrübo, kheakü ha nüsa kilim I yo kihüm mahnepü ah. Inü ane chido nüsa lümkhi kurhangpü lümkhitloshihde thrütdo;

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.