JOHAN 21:16 - AMÜSÜH HÜM CL Bible (BSI)

¹⁶ Apinü anihbuh ki mahne kipü tha, “Jona tsührü Simon, nünü I muzhola shi?” Apinü alo, “Am, Atungpuh; inü nü muzholah de nünü mükheahlah.” Apinü anihbuh ki tha, “I yo namfimihnubo kümang.”

JOHAN 21:16 Iomraidhean Croise

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 95:7

Tümüde api isa Thrünpuh, tüsho isa api rimlopung mihtsürü, tüsho api khah ching namfimihnubo ah. Khihni nüsanü api düsheak aniang:

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

MATHI 25:32

Trükshih alala api miki mukhungbah, tüsho namfimihnu neakrünü nihbuh namfimihnubo chingnü mihnubo büthsükhi nangde apinü arü khülang chingnü khülang büthsübah.

MATHI 26:72

Tüshe kheaküshe apinü thiyuchihchimde arochih, “Inü mihtsürü ju mümükheah!”

LUKNÜ ATHRÜTKHI THIYUSHEAK-ATSÜ HUHTANYU 19:10

tümütüsho Mihtsürü Tsührü ju adükheakkhi yimpü tüsho khümkhitpü arükheah.”

JOHAN 18:17

Judüki ripit neakkhi yamlaberünü Peter ki tha, “Nü she ha mihtsürü jingyanrü bolung belah yung de?” Apinü tha, “I a yung.”

JOHAN 18:25

Kheakü Simon Peternü zhip tüsho anihbuh mo thüyüpa lu. Jumonü arünü api ki tha, “Nü she api jingyanrü bolung belah yung de?” Apinü reanglode tha, “I a yung!”

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”