JOHAN 21:15 - AMÜSÜH HÜM CL Bible (BSI)

¹⁵ Jumonü küyimki arünü yimtsühkhea, Jisunü Simon Peter ki tha, “Jona tsührü Simon, harü kheaknü alü nünü I muzhola shi?” Apinü alo, “Am, Atungpuh; inü nü muzholah de nünü mükheahlah.” Apinü anihbuh ki tha, “I yo namfimihnunubo mütrüang.”

JOHAN 21:15 Iomraidhean Croise

THRÜNTAN 33:13

Tüshe Jakobnü api ki alo, “Azürübo sühmüh müdüküng, tüsho mihnu le moshi boto anunu bede I lung belah de I tungpuhnü mükheahlah. Tüsho mihtsürübonü arübo nimung khülangnü müküpde besho, shiwüh alala ashebah.

2 SAMUEL 7:20

Tüsho Davidnü kheaküshe nü ki tümü thakhukba? Tümüde nünü nü yamlarü mükheahlah, O Atungpuh T HRÜNPU H !

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

JEREMIA 23:4

Inü arü kümpü yakzanshuhrübo mokhitbah, tüsho arünü kheaküa mütre, yungsho mümüyinnim, yungsho müdükheak, Atungpuhnü thachoh.

JEREMIA 3:15

Inü I yu anirü nü kilim namfimihnu neakrü jihbah, tüsho arünü mükheahmudu tüsho anikhitkhi hode yakzan shuhbah.

EZEKIEL 34:23

Inü arü kurungkheak namfimihnu neakrü, I yamlarü David zojihbah, tüsho apinü arü yimkipbah: apinü arü yimkipbah tüsho arü namfimihnu neakrü thsübah.

EZEKIEL 46:24

Jushu apinü I ki tha, “Harü ha arüngyam ching tankihrünü mihtsürübo thsungkheak laksah-a kingaünpü dükihpung mokinbo ah.”

MATHI 10:37

Shepünü I kheaknü abuh yungsho abe alü muzhochonü I jingyanrü thsüpü müthülün. Tüsho shepünü I kheaknü tsührü yungsho tsührübe alü muzhochonü I jingyanrü thsüpü müthülün.

MATHI 16:17

Jisunü api ki tha, “Jona tsührü Simon, nü müngühmühi, tümüde ha mihtsürünü yung tüshe yinmi ching I Buhnü nü ki akhiuka huhkheah.

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 26:33

Peternü api ki alo, “Nü dünkheaknü alala tsomüzützüt she, inü a küyimkishe mutso.”

MATHI 26:35

Peternü alo, “I nü lung ashepü thsüthsü she, inü nü malokhide müla!” Tüsho junangde jingyanrü alalanü tha.

MARK 14:29

Tüshe Peternü api ki alo, “Alala tsotso she inü a jude müthsü.”

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

LUKNÜ ATHRÜTKHI THIYUSHEAK-ATSÜ HUHTANYU 22:32

Tüshe nü akin mayopü thsüde inü nü thsungkheak tamkhüntamnü; tüsho küyimki nü I kilim rholobanü nü keoniorü reangzahshang.”

JOHAN 1:42

Tüsho apinü anihbuh Jisu kilim bedarü. Küyimki Jisunü api kheak kheahkhea, apinü tha, “Nü a Jona tsührü Simon ah. Nü Kephas de ajihbah (amütsan Lung Khülang).”

JOHAN 13:37

Peternü api ki tha, “Atungpuh, tümü thsükhi kheakü inü nü müyankhukpü? Nü dünkheaknü inü I rhangdung jihbah.”

JOHAN 16:27

tümüde Abuh küdahnü nüsa muzhochoh, tümütüsho nüsanü I muzhodo tüsho I ju Thrünpuh kilimnü arükheah de kindo.

JOHAN 21:12

Jisunü arü ki tha, “Arübah tsühang.” Tütüshe api ju Atungpuh thsüa lah de mükheahbah, “Nü she a?” de jingyanrü shenü she api ki keopü mümürang.

JOHAN 21:7

Jumonü Jisunü amuzhokhi jingyanrü junü Peter ki tha, “Ha Atungpuh ah!” Küyimki ju Atungpuh thsüa lah de Simon Peternü asokhea, apinü yihkhita lakhi aleangbe khimmih yuka lu, tüsho keto ching jukyuk.

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

ROMRÜ KILIM PAULNÜ ATHRÜTKHI KIHÜM HUHTANYU 14:1

Akin ching reangmüzahkhi mihtsürü leangkhiang, tüshe lümkhi atsangachihpü thsungkheak yung.

ROMRÜ KILIM PAULNÜ ATHRÜTKHI KIHÜM HUHTANYU 15:1

Isa reangzahde alarünü reangmüzahrü akuk müngükhi ching arümkheambeah, tüsho isa asühpü thsungkheak yung.

1 KORINT 8:11

Junangde nü mükheahmudunü ha reangmüzahkhi, mihtsürü shepü thsungkheak Khrista shekheanü, nü keoniorü ju dükheakchoh.

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

EFISIA 6:24

Isa Atungpuh Jisu Khrista atsütsünü amuzhorü alala kilim amüthsüm laang.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

1 PETER 2:2

Aso zübekhi khungarübo nangde, me niuhke müthsün yungang, junü nüsa akhümkhit ching zokihbah;

1 PETER 2:25

Tümüde nüsa tsokhide alakhi namfimihnubo lakheah, tüshe kheakü nüsa me kümrü namfimihnu neakrü kilim rholodo.

1 JOHAN 4:19

Isanü muzhochoh, tümütüsho apinü akhuhde isa muzho.

1 JOHAN 5:1

Jisu ju Khrista de akinrü aban Thrünpuh tsührü ah, tüsho shepünü abuh muzhochonü atsührü she muzhochoh.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.