JOHAN 20:28 - AMÜSÜH HÜM CL Bible (BSI)

²⁸ Tüsho Thomanü api ki tha, “I Tungpuh tüsho I Thrünpuh!”

JOHAN 20:28 Iomraidhean Croise

MUNGSHIKHÜN 45:11

junangde kiulongthsüpuhnü nü akhamkhi künde akambah; tümütüsho api ju nü tungpuh ah, api ki mükhümang;

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

MATHI 14:33

Judüki sangkung ching larübo arü tüsho api kingaünde tha, “Tsükjide nü a Thrünpuh tsührü ah.”

LUKNÜ ATHRÜTKHI THIYUSHEAK-ATSÜ HUHTANYU 24:52

Arünü api kingaün tüsho asühachihde Jirusalem lim alodarü;

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

JOHAN 20:16

Jisunü alibe ki tha, “Mari!” Alibenü rholo tüsho api ki alo, “Rabboni!” (amütsan Thsangyurü).

JOHAN 20:27

Judüki apinü Thoma ki tha, “Ha ching nü khah chungang, tüsho I khahbo kheak kheahang, tüsho ju I rheang ching yukang. Mükinde düla, tüshe kinang.”

JOHAN 20:29

Jisunü api ki tha, “Thoma, tümütüsho nünü I ngümonü kindo. Shepünü müngü tütüshe kindünü müngühmühi.”

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.