JOHAN 20:26 - AMÜSÜH HÜM CL Bible (BSI)

²⁶ Tüsho nimung tizheah dunglim jingyanrübo kheaküshe alunglim lakheah; tüsho arü lung Thoma lakheah. Khimdopü rih-a lalashe arübah arü bolung zhip, tüsho tha, “Nüsa lung mungtsü lang!”

JOHAN 20:26 Iomraidhean Croise

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

ISAIA 27:5

Yungsho hanü I kheak jikpü kapkihshang, junangde apinü I kheak mungtsü thsübah; tüsho apinü I kheak mungtsü thsübah.

ISAIA 54:10

Tümüde awungbo tsopü tüsho awung mujukbo lah-a bahpü kuklah, tüshe I muzhodakkhi nü kheaknü müchamachih, tüsho I mungtsü tangzüngkhi makhin, nü kheak muzhokhi Atungpuhnü thachoh.

MATHI 17:1

Nimung thuruk dunglim Jisunü api lung Peter, Jakob tüsho aniurü Johan bebah awung achang kheak yükih.

MARK 16:14

Ju dunglim arü dükhüm ki binde alachoki apinü thürükheak khülang ki akhiuk; tüsho apinü arü mükinkhi le mulong müküpkhi dünkheak thürüh, tümütüsho api arhang kamlo dunglim sherünü api ngükheanü arünü akin müla.

LUKNÜ ATHRÜTKHI THIYUSHEAK-ATSÜ HUHTANYU 24:36

Kheakü arübo harü thade alachoki, Jisunü arü bolung zhipbah tha, “Nüsa lung mungtsü laang.”

LUKNÜ ATHRÜTKHI THIYUSHEAK-ATSÜ HUHTANYU 9:28

Tüsho harü thabah nimung tizheah dunglim, apinü Peter, Johan, tüsho Jakob bea lubah tamkhüntamnüpü awung lim yü.

JOHAN 11:16

Judüki Didama de ajikhi Thomanü rukhüh jingyanrübo ki tha, “Isa she api lung shepü thsüde thsangyubuh lung yüanü.”

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

JOHAN 20:19

Ju nimung arelim, amu-khip akhuhbe nimung Jihudarübo trekhinü jingyanrübonü ripit rihbah alachoki, Jisu arübah arü bolung zhipbah tha, “Nüsa lung mungtsü laang!”

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

JOHAN 21:1

Harü dunglim Jisunü Tiberia keto ching jingyanrübo ki hanangde api huh:

JOHAN 21:14

Api ashe chingnü arhang kamlobah Jisunü ajingyanrübo ki huhkhi ha mahsam kipü lakheah.

YUNIRÜBO RHIMO 1:3

Api thsünü dunglim, api rhangdung lakheah de harü ki huh tüsho mütsandakkhi ahihdo jih. Apinü arü ki nimung yirü dükeak akhiuka huh tüsho Thrünpuh kiulongthsü dünkheak asuk.