JOHAN 20:2 - AMÜSÜH HÜM CL Bible (BSI)

² Judüki alibenü Simon Peter tüsho Jisunü muzhode alabuh jingyanrü püpü kilim alihde arübah tha, “Arünü Atungpuh kiuyuk chingnü yihkhita lude tsoa lah, tüsho arünü api küching yapshihlanü isanü mümükheah.”

JOHAN 20:2 Iomraidhean Croise

JOHAN 13:23

Jingyanrü bolung khülang, Jisunü amuzhokhi Jisu ki binde alakheah.

JOHAN 19:26

Jumonü küyimki Jisunü abe le apinü amuzhokhi jingyanrü zhipde angükhea, apinü abe ki tha, “Aliberü, nü tsührü kheahang!”

JOHAN 20:13

Judüki anenü alibe ki tha, “Aliberü, tümüde nü tripcho?” Alibenü ane ki alo, “Tümütüsho arünü I Tungpuh lude tsoa lah, tüsho api kükheak yapshihlanü inü mümükheah.”

JOHAN 20:15

Jisunü alibe ki tha, “Aliberü, tümüde nü tripcho? Nü she yimcho?” Alibenü api ju shahwün thsürü ah de lümbah tha, “Atobuh, nünü api lude tsoa lasho api kükheak yapshihlanü I ki thaang, tüsho inü api lude tsoanü.”

JOHAN 20:9

Tümütüsho api ashe chingnü arhang kamlobah de arünü amüsühyu mümükheahyide alakheah.

JOHAN 21:20

Judüki Peternü rholo tüsho Jisunü amuzhokhi, yimtsühchoki api rheang ki binbuh jingyanrü ngü tüsho tha, “Atungpuh, shenü nü yinatsühpü thsücho?”

JOHAN 21:24

Hanü thiyumütsan jihbuh tüsho harü thrütkhi ju jingyanrü ha buh ah; tüsho api thiyumütsan thiyuro de isanü mükheahlah.

JOHAN 21:7

Jumonü Jisunü amuzhokhi jingyanrü junü Peter ki tha, “Ha Atungpuh ah!” Küyimki ju Atungpuh thsüa lah de Simon Peternü asokhea, apinü yihkhita lakhi aleangbe khimmih yuka lu, tüsho keto ching jukyuk.