JOHAN 20:17 - AMÜSÜH HÜM CL Bible (BSI)

¹⁷ Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

JOHAN 20:17 Iomraidhean Croise

2 KIULONG THSÜRÜ 4:29

Apinü Gehazi ki tha, “Nü chim rümang, tüsho nü khah ching I tso shuhbah yüang. Nünü khürü shorusho, salüm düjih, tüsho khürünü nü ki salüm jihsho, dalo; tüsho khungarü miro kheak I tso yihkihang.”

2 KIULONG THSÜRÜ 7:9

Judüki arünü khülangnü khülang ki tha, “Isanü tümü rhimochonü amülim ah. Ha thiyusheak atsü nimung khülang ah; isanü düsheak makhiuksho tüsho yapsu ayin khiungde aleangsho, isa kheak thsümütsü arübah; jumonü isanü yüanü tüsho kiulongthsüpuh yamkhün ki thaanü.”

MUNGSHIKHÜN 22:22

Inü I keoniorü ki nü mung khipkhitbah; amukhungrü bolung inü nü shijihbah.

MUNGSHIKHÜN 43:4

Judüki inü I khide asühkhi Thrünpuh kingaün sadam lim yübah. Tüsho bingshang khungde inü nü shibah, O Thrünpuh, I Thrünpuh.

MUNGSHIKHÜN 48:14

“Ha Thrünpuh, lünnü lün isa Thrünpuh ah; apinü akheam khiungde isa bebah.”

MUNGSHIKHÜN 68:18

Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

MUNGSHIKHÜN 89:26

Apinü I ki zhibah, ‘Nü I buh, I Thrünpuh, tüsho I akhümkhit lungto.’

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 32:38

Arübo I mihtsürü thsübah, tüsho I arü Thrünpuh thsübah.

EZEKIEL 36:28

Judüki inü nüsa jipürü ki jihkhi lo ching nü labah; tüsho nü I mihtsürü thsübah, tüsho I nü Thrünpuh thsübah.

EZEKIEL 37:27

I lapung arü lung labah; tüsho I arü Thrünpuh thsübah, tüsho arü ju I mihtsürü thsübah.

MATHI 12:50

Tümütüsho sherünü yinmi ching I Buh lümkhi rhimochonü I khiung, I chi tüsho I be ah.”

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 28:7

Tüsho niokheamde yübah api jingyanrübo ki, api ashe chingnü arhang kamlodo, tüsho api nüsa müngüh Galilee ching yüchoh de thaang; ju ching nüsanü api ngübah. Kheahang, inü nüsa ki thado.”

MARK 12:26

Tüshe asherü arhang kamlopü dünkheak, nüsanü sangrung aniukhi yu, Mosa hüm ching mükhe de, künangde Thrünpuhnü api ki tha, ‘I Abraham Thrünpuh, Isak Thrünpuh, tüsho Jakob Thrünpuh’?

MARK 16:19

Atungpuhnü arü ki asukachih dunglim, api yinmi ching yükih, tüsho Thrünpuh khah tsülim bin,

LUKNÜ ATHRÜTKHI THIYUSHEAK-ATSÜ HUHTANYU 10:4

Shoyukpung, qiuqiu yungsho jingkhümpü tümü dühan; tüsho limro ching she ki she salüm düjih.

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 14:2

I Buh yam ching khiungshak ahihdo lah; jude yungkhülaa, inü nüsa ki thaa labah, I nüsa thsungkheak lapung thsakhampü yüchoh.

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 16:28

Abuh kilimnü I alomi ching arükheah. Kheaküshe, inü alomi zojihbah Abuh kilim yülobah.”

JOHAN 17:11

Kheaküa I alomi ching müla, tüshe harübo alomi ching lah, tüsho I nü kilim arüchoh. Amüsüh Abuh, nünü I kilim jihrü nü mung hode zojang, junangde isa nangde arü khülang labah.

JOHAN 17:25

O thiyuro-lungki Abuh! Alominü nü mümükheah, tüshe inü nü mükheahdo; tüsho nünü I thiyikheah de harünü mükheahlah.

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 20:27

Judüki apinü Thoma ki tha, “Ha ching nü khah chungang, tüsho I khahbo kheak kheahang, tüsho ju I rheang ching yukang. Mükinde düla, tüshe kinang.”

JOHAN 7:33

Judüki Jisunü arü ki tha, “I nüsa lung anükhüh ruhde alabah, tüsho I thiyibuh kilim yübah.

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.

2 KORINT 6:18

I nüsa abuh thsübah, tüsho nüsa I tsührübo le tsührübebo thsübah, Wuto Atungpuhnü thachoh.”

GALATIA 3:26

tümüde nüsa alala Jisu Khrista ching akin hode Thrünpuh tsührübo ah.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 8:10

Ju nimung dunglim inü Israel yamkhün kheak tangzüngpü ha lah, Atungpuhnü thachoh: Inü arü lümkhi ching yakzan yukjihbah, tüsho arü mulongbo kheak thrütbah, I arü Thrünpuh thsübah tüsho arü I mihtsürü thsübah.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.