JOHAN 20:13 - AMÜSÜH HÜM CL Bible (BSI)

¹³ Judüki anenü alibe ki tha, “Aliberü, tümüde nü tripcho?” Alibenü ane ki alo, “Tümütüsho arünü I Tungpuh lude tsoa lah, tüsho api kükheak yapshihlanü inü mümükheah.”

JOHAN 20:13 Iomraidhean Croise

T H S AN GYU T H S AN GR ARÜ 3:4

atrippü kim khülang, tüsho amünepü kim khülang; atüzhopü kim khülang, tüsho atsünpü kim khülang;

JEREMIA 31:16

Atungpuhnü ha thachoh: Nü atripkhi düsheak chingnü tüsho mük ching chike bukkhi chingnü tukloang; tümüde nü rhimo dünkheak thsambah khülang lah, Atungpuhnü thachoh: arü riri lomi chingnü arü alodarübah;

LUKNÜ ATHRÜTKHI THIYUSHEAK-ATSÜ HUHTANYU 24:17

Tüsho apinü ane ki tha, “Nüke thaachihde atsahkhi ju tümü a tüsho tümüde mulong tukthsüla?”

JOHAN 19:26

Jumonü küyimki Jisunü abe le apinü amuzhokhi jingyanrü zhipde angükhea, apinü abe ki tha, “Aliberü, nü tsührü kheahang!”

JOHAN 2:4

Jisunü alibe ki tha, “Aliberü, nünü I ki tümü thsüpü? I kim marüyi.”

JOHAN 20:15

Jisunü alibe ki tha, “Aliberü, tümüde nü tripcho? Nü she yimcho?” Alibenü api ju shahwün thsürü ah de lümbah tha, “Atobuh, nünü api lude tsoa lasho api kükheak yapshihlanü I ki thaang, tüsho inü api lude tsoanü.”

JOHAN 20:2

Judüki alibenü Simon Peter tüsho Jisunü muzhode alabuh jingyanrü püpü kilim alihde arübah tha, “Arünü Atungpuh kiuyuk chingnü yihkhita lude tsoa lah, tüsho arünü api küching yapshihlanü isanü mümükheah.”

YUNIRÜBO RHIMO 21:13

Tüshe apinü alo, “Hanangde tripde tüsho I mulong thsümünimshihde nüsa tümü thsücho? Jirusalem ching rhükpü lang yung tüshe Atungpuh Jisu mung chingnü ashepü she inü thsakhambah lah.”

1 SAMUEL 1:8

Ayamkhünbuh Elkananü alibe ki tha, “ Hanna, tümüde nü tripcho? Tümüde nü müyimtsüh le? Tümüde nü mulong tukthsüla? I ha nü tsührü athrürü 10 kheaknü alübe yung de?”