JOHAN 2:4 - AMÜSÜH HÜM CL Bible (BSI)

⁴ Jisunü alibe ki tha, “Aliberü, nünü I ki tümü thsüpü? I kim marüyi.”

JOHAN 2:4 Iomraidhean Croise

2 SAMUEL 16:10

Tüshe kiulongthsüpuhnü tha, “Nü Zeruia tsührü inü nü kheak tümü thsüpü? David athruang de Atungpuhnü api ki thamonü athruchosho, tümüde nünü ha rhimokhea? de shepünü athapü.”

2 SAMUEL 19:22

Tüshe Davidnü tha, “Khihni nüsa I kheak azhihlorü kamkhi dünkheak nüsa Zeruia tsührübo kheak inü tümü thsüpü? Khihni Israel ching khürü sheshihba de? Tümüde khihni I Israel kurungkheak kiulongthsüpuh ah de inü mümükheah de?”

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

T H S AN GYU T H S AN GR ARÜ 3:1

Thüning bukkhüp lüpdükhi thsungkheak akheahmünchi lah, tüsho yihnüpü aban thsungkheak kim khülang lah:

MATHI 15:28

Judüki Jisunü alo tüsho alibe ki tha, “O aliberü, nü akin tolah! Nünü alunekhi mülüjihdo.” Tüsho atsührübe ju kim chingnü nguabah.

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

LUKNÜ ATHRÜTKHI THIYUSHEAK-ATSÜ HUHTANYU 2:49

Tüsho apinü arü ki tha, “Küde thsah nüsanü I yimkhea? I ju I Buh yam ching labah de nüsanü mümükheahkhea de?”

JOHAN 12:23

Tüshe Jisunü arü ki alo, “Mihtsürü Tsührü müretahpü thsüde kim arüdo.

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 2:3

Tüsho küyimki yukhu banabahkhea, Jisu abenü api ki tha, “Arü yukhu müla.”

JOHAN 20:13

Judüki anenü alibe ki tha, “Aliberü, tümüde nü tripcho?” Alibenü ane ki alo, “Tümütüsho arünü I Tungpuh lude tsoa lah, tüsho api kükheak yapshihlanü inü mümükheah.”

JOHAN 20:15

Jisunü alibe ki tha, “Aliberü, tümüde nü tripcho? Nü she yimcho?” Alibenü api ju shahwün thsürü ah de lümbah tha, “Atobuh, nünü api lude tsoa lasho api kükheak yapshihlanü I ki thaang, tüsho inü api lude tsoanü.”

JOHAN 7:30

Judüki arünü api rampü yim; tüshe shenü api kheak khah muchung, tümütüsho api kim marüyide alakheah.

JOHAN 7:6

Judüki Jisunü arü ki tha, “I kim marüyi, tüshe nüsa kim a kamruhroro thsakhama lah.

JOHAN 7:8

Nüsa a thünio ching wutuang, I a ju thünio ching muwutu, tümüde I kim dükde mukhiungyi.”

JOHAN 8:20

Harü yubo Jisunü apinü arüngyam ching thsangyude alachoki shozopung chingnü tha; tüsho shenü she api kheak khah muchung, tümüde api kim marüyide alakheah.

2 KORINT 5:16

Jumonü kheakünü ründe isanü sheshe mihtsürü lalim yande mükheahyuk; isanü khülang ki Khrista ju mihtsürü lalim yande kheahyuka lalashe kheaküa isanü api ju jude müthsü.

YUZÜNGTHALO 33:9

shepünü abuh tüsho abe ki, ‘Inü arü mümükheah’ de athakhea; apinü akhiung bahyuk tüsho atsührübo mümükheahde kam. Tümüde arünü nü yu ani tüsho nü ki tangzüngkhi zo.