JOHAN 2:22 - AMÜSÜH HÜM CL Bible (BSI)

²² Jumonü küyimki api ashe chingnü arhang kamlokheanü apinü arü ki thakhi ajingyanrübonü lümkhit; tüsho arünü amüsühyu le Jisunü athakhi yu kin.

JOHAN 2:22 Iomraidhean Croise

MUNGSHIKHÜN 16:10

Tümüde nünü I Ashe-lomi ching jihamübah, yungsho nü yo amüsühbuhnü ashekhi müngüshih.

LUKNÜ ATHRÜTKHI THIYUSHEAK-ATSÜ HUHTANYU 24:26

Khristanü harü thsünübah api müretahkhi ching müyüzahbea de?”

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 12:16

Akhuhlim api jingyanrübonü ha manikhit; tüshe küyimki Jisu müretahkheanü, api dünkheak harü thrütkhi tüsho api kheak ju dünjikhi arünü lümkhit.

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 16:4

Tüshe inü harü nüsa ki thado, junangde küyimki kim arübanü, jurübo inü nüsa ki thakheah de nüsanü alümkhitbah. Tüsho inü harü nüsa ki atankih ching mütha, tümütüsho I nüsa lung lakheah.

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 2:17

Judüki api jingyanrübonü ha thrüta lakhi lümkhit, “Nü yam mürheangkhinü I aniuabahdo.”

JOHAN 2:2

Kheakü Jisu tüsho api jingyanrübo chido arhangrü thünio ching ju jiyuk.

YUNIRÜBO RHIMO 11:16

Tüsho Atungpuhnü athakhi yu inü lümkhit, ‘Johannü nüsa kenü baptijih, tüshe Amüsüh Menü nüsa baptibah.’

YUNIRÜBO RHIMO 13:33

apinü ha ju arü tsührübo isa thsungkheak Jisu arhang kamloshihde dünjishih; ha mungshikhün mahnepü ching she thrüta lah, ‘Nü I tsührü, khihni I nü buh kamdo.’