JOHAN 2:2 - AMÜSÜH HÜM CL Bible (BSI)

² Kheakü Jisu tüsho api jingyanrübo chido arhangrü thünio ching ju jiyuk.

JOHAN 2:2 Iomraidhean Croise

MATHI 12:19

Apinü murukachih yungsho müzhi; shenü she kiudunglimrobo ching api düsheak muso.

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 25:45

Apinü arü ki alode athabah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak mürhimokheanü, nüsanü I thsungkheak mürhimo.’

JOHAN 2:12

Ju dunglim api le abe, keoniorübo tüsho api jingyanrübonü Kapernaum lim yüki, tüsho arünü ju ching nimung anükhüh mung.

JOHAN 2:17

Judüki api jingyanrübonü ha thrüta lakhi lümkhit, “Nü yam mürheangkhinü I aniuabahdo.”

JOHAN 2:22

Jumonü küyimki api ashe chingnü arhang kamlokheanü apinü arü ki thakhi ajingyanrübonü lümkhit; tüsho arünü amüsühyu le Jisunü athakhi yu kin.

JOHAN 2:3

Tüsho küyimki yukhu banabahkhea, Jisu abenü api ki tha, “Arü yukhu müla.”

JOHAN 3:22

Ju dunglim Jisu tüsho api jingyanrübo Judea lomi ching arü, tüsho ju ching arü lung api la tüsho bapti.

JOHAN 4:2

(Jisunü a mübaptijih tüshe api jingyanrübonü ah),

JOHAN 4:33

Jumonü jingyanrübo khülangnü khülang ki thaachih, “Khürünü api kilim tümüanü atsühpü hande arükhea shi?”

JOHAN 4:8

Tümüde api jingyanrübo tsühyungbe thulopü kiuto ching yüa lakheah.

JOHAN 6:12

Küyimki arü bukthsükhea, apinü ajingyanrübo ki tha, “Adütre aningkhibo mübahde hanmukhungang.”

JOHAN 6:16

Küyimki arelim kamkhea, api jingyanrübonü keto lim yükibah

JOHAN 6:60

Jumonü api jingyanrübo ahihkhühnü ha sochoki tha, “Ha thakhi achak ah; shenü ju anikhitkhukba?”

JOHAN 6:66

Ju kim chingnü api jingyanrü ahihkhühnü tsolo tüsho api lung mütsahdebah.

JOHAN 6:67

Judüki Jisunü thürükheak mahne ki ju tha, “Nüsa she tsoabahpü künla de?”

JOHAN 6:70

Jisunü arü ki alo, “Inü nüsa thürükheak mahne mokhitkhi yung de? Tütüshe nüsa bolung khülang a arimri ah!”

JOHAN 6:71

Apinü Simon tsührü Juda Iskariot dünkheak asuk, tümüde thürükheak mahne bolung anihbuh yinatsühpü ju api lakheah.

JOHAN 6:8

Api jingyanrü bolung khülang, Simon Peter niurü Andrianü api ki tha,

JOHAN 7:3

Jumonü api keoniorübonü anihbuh ki tha, “Nü jingyanrübonü she nünü arhimokhi ngüpü thsüde ha chingnü chamachihbah Judea ching yüang.

YUNIRÜBO RHIMO 11:26

tüsho küyimki apinü anihbuh ngükhea, apinü Antiok lim bebah arü. Arünü kam khülang amuyung borü shoru, tüsho mihtsürü boto ato thsangyu; tüsho Antiok ching akinrübo ju akhuhbe thsüde Khristanrü de ajikheah.

YUNIRÜBO RHIMO 11:29

Tüsho mihbüm aban nihbuhnü akukkhi thülün Judea ching lakhi keoniorübo rungpü yüshihpü jingyanrübonü pungkhi;

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

1 KORINT 7:39

Niuberü ju aniubuh la khiungdüa zuzu müla. Aniubuh shesho, alibenü amulongkhi Khristanrü ki lang arhangpü zuzu labah.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

AMIKHEAKAKHIUKKHI 3:20

Kheahang, I khimdopü ki zhiplah tüsho thrungchoh; khürünü I düsheak sobah ripit khimshuhsho, I api kilim azahbah api lung yimtsühbah, tüsho apinü I lung yimtsühbah.