JOHAN 2:19 - AMÜSÜH HÜM CL Bible (BSI)

¹⁹ Jisunü arü ki alo, “Ha arüngyam khapkheamang tüsho inü ju nimung mahsam chingnü athsülobah.”

JOHAN 2:19 Iomraidhean Croise

MATHI 12:40

Nimung mahsam tüsho tsüngre mahsam Jona thüngüh buk ching lakhi nangde, Mihtsürü Tsührü nimung mahsam tüsho tsüngre mahsam alo alunglim labah.

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 27:40

tüsho tha, “Nü shepünü arüngyam thsümünimbah nimung mahsam chingnü athsükhipü lanü, nü küdah thsüde khümkhitang! Nü Thrünpuh tsührü a sho sangkim chingnü akiang.”

MATHI 27:63

tüsho tha, “Atobuh, api arhang lachoki, mülapmüjibuhnü athakhi isanü lümkhitchoh, ‘Nimung mahsam dunglim I asürübah.’

MARK 14:58

“Isanü apinü athakhi sodo, ‘Khahnü athsükhi ha arüngyam inü athsümünimbah, tüsho khahnü amüthsükhi püpü nimung mahsam dükeaknü athsübah.’”

MARK 15:29

Tüsho tsahhode alarübonü api athrude arü ku angamde tha, “Aha! Arüngyam thsümünimbah nimung mahsam chingnü athsülopü labuh,

MARK 8:31

Tüsho apinü Mihtsürü Tsührü ju khide thsünübah, azothsürü le amükeam putungrü tüsho athrütrübonü abahyukbah, alaksahbah, tüsho nimung mahsam dunglim asürülobah de arü ki thsangyupü tankih.

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

YUNIRÜBO RHIMO 2:24

Tüshe Thrünpuhnü ashe thsünü dükheakshihde api arhang kamshih, tümütüsho ashenü api tholopü mukukde alakheah.

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

YUNIRÜBO RHIMO 6:14

tümüde Nazarethrü Jisu hanü arüngyam lukbah tüsho Mosa kilimnü arükhi yakli alala müthribah de athakhi isanü sodo.”

ROMRÜ KILIM PAULNÜ ATHRÜTKHI KIHÜM HUHTANYU 4:24

tüshe isa thsungkheak she ah. Isa Tungpuh Jisu ashe chingnü arhang kamloshihbuh Thrünpuh kheak kinrü isa ki khejihbah.

ROMRÜ KILIM PAULNÜ ATHRÜTKHI KIHÜM HUHTANYU 6:4

Jumonü ashekhi ching baptikhinü isa api lung kiuyukabah, junangde Abuh müretahkhi hode Khrista ashe chingnü asürüshihkhi ruk isa she rhangdung aso ching tsahbeah.

ROMRÜ KILIM PAULNÜ ATHRÜTKHI KIHÜM HUHTANYU 8:11

Ashe chingnü Jisu bemusubuh Me nüsa kheak lasho, ashe chingnü Jisu Khrista bemusubuhnü nüsa kheak lakhi Me hode ashepü lakhi nüsa pangbo kilim rhangdung jihbah.

1 KORINT 15:12

Kheakü Khrista ashe chingnü arhang kamlodo de thsangyuthsangrakheasho, küde thsah nüsa khürünü asherü arhang kamlokhi müla de thakhukla?

KOLOSI 2:12

tüsho baptikhi ching nüsa api lung kiuyuka bah, ju ching api ashe chingnü arhang kamloshihbuh Thrünpuh rhimo akin hode api lung nüsa she arhang kamloshih.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;