JOHAN 2:18 - AMÜSÜH HÜM CL Bible (BSI)

¹⁸ Jumonü Jihudarübonü api ki tha, “Nünü ha rhimopü alim lah de ahuhpü isa ki khinthiyinbe tümü rhimoba?”

JOHAN 2:18 Iomraidhean Croise

1 KIULONG THSÜRÜ 13:3

Ju nimungnü apinü amütsan jihde tha, “Ha Atungpuhnü athakhi amütsan ah: ‘ Kingaün sadam akeambah tüsho ju kheak lakhi awahbo sukkhita bahbah.’”

ABEKHIT 7:9

“Pharaonü nüke ki, ‘Nükenü amütsan khülang huhang,’ de thasho, nünü Aron ki thabah, ‘Nü tso ju luang tüsho Pharao miki ayoshang, tüsho ju phuruto khülang kambah.’”

MATHI 21:23

Küyimki api arüngyam ching yüzahkhea, amükeam putungrübo tüsho mihtsürü azothsürübo api thsangyude alachoki arü tüsho tha, “Tümü thiyukhüm-sühmüh hode nünü harü alala rhimocho? Tüsho ha thiyukhüm-sühmüh nü kilim shenü ajihkhea?”

MARK 8:11

Tüsho Pharisirünü arübah api ki atsangachihpü tankih. Api rükakide yinmi chingnü amütsan khülang kheang.

LUKNÜ ATHRÜTKHI THIYUSHEAK-ATSÜ HUHTANYU 11:29

Tüsho küyimki boto ju müjimkhuluka mukhungkhea, apinü athapü tankih, “Ha amütsü lün ah. Hanü khinthiyinbe kheangchoh, tüsho wukihrü Jona amütsan kheak hode amütsan tümü müjih.

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 1:25

Tüsho arünü api ki keokhide tha, “Nü ju Khrista, Elija yungsho wukihrü she yungsho tümü thsüde nünü bapticho?”

JOHAN 6:30

Jumonü arünü api ki tha, “Isanü ngübah nü kinpü thsüde nünü khinthiyinbe tümü rhimoba? Nünü tümü rhimoba?

YUNIRÜBO RHIMO 4:7

Arünü arübo arü müngüh zhipshihbah keokhi, “Tümü wunü yungsho tümü mung hode nüsanü ha rhimokhea?”

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”