JOHAN 2:11 - AMÜSÜH HÜM CL Bible (BSI)

¹¹ Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 2:11 Iomraidhean Croise

1 KIULONG THSÜRÜ 17:24

Jumonü alibenü Elija ki tha, “ Kheakü nü Thrünpuh mihtsürü ah de inü mükheahlah, tüsho nü mün ching lakhi Atungpuh yu thiyuro ah.”

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 96:3

Trükshihbo lung api müretahkhi, mihtsürü alala bolung api amüyinsahbebo khipkhitang.

ABEKHIT 14:31

Hanangde Atungpuhnü Ijip ching ato rhimokhi Israelnü ngü; jumonü mihtsürübonü Atungpuh tre tüsho Atungpuh le api yamlarü Mosa kheak kin.

ABEKHIT 4:9

Arünü harü amütsan mahne yungsho nü düsheak manisho, nünü Nile ayung chingnü ke anükhüh luang tüsho ju alo akung kheak dunga bahang, tüsho ke ju thiyih kambah.”

T H S AN GYU T H S AN GR ARÜ 9:7

Yüang, asühde nü jim tsühang, tüsho mulong asühde yukhu yungang; tümüde adüsonü nü rhimo Thrünpuhnü leangkhido.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

MALAKI 2:2

Nüsanü manisho, nüsanü I mung müretahshihpü mulong ching muzhosho, Wuto Atungpuhnü thachoh, inü nüsa kheak muthrumünean arüshihbah tüsho inü nüsa müngühmühibo muthrumüneanbah; atsütsü inü arübo muthrumüneana bahdo, tümütüsho nüsanü ju mulong ching muzo.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 1:43

Ashidopü Jisunü Galilee ching yüpü pungkhi, tüsho apinü Philip ngübah api ki tha, “I dunglim yanang.”

JOHAN 1:50

Jisunü alo tüsho api ki tha, “Inü nü khubasodung khüp binkhi ngüdo de athamonü nünü kincho de? Nünü harü kheaknü atobe ngübah.”

JOHAN 10:41

Judüki ahihkhüh api ki arübah tha, “Johannü khinthiyinbe mürhimo, tüshe Johannü ha mihtsürü dünkheak thakhi alala thiyuro lah.”

JOHAN 11:15

Tüsho nüsanü akinshihpü thsüde nüsa thsungkheaknü I ju ching mülakhi asühchoh. Judüalalashe, isanü api kilim yüanü.”

JOHAN 11:47

Judüki amükeam putungrü tüsho Pharisirünü kiuthsü-binkiu bemukhungbah tha, “Isanü küde athsüba? Tümütüsho ha mihtsürünü khinthiyinbe hihde rhimochoh.

JOHAN 12:18

Ha dünkheaknü mihtsürübonü api shoru, tümütüsho apinü khinthiyinbe rhimodo de arünü so.

JOHAN 12:37

Tüshe apinü arü miki khinthiyinbe ahihdo rhimomo she arünü api kheak mükin,

JOHAN 12:41

Harü Isaianü api müretah ngüchoki tüsho api dünkheak asukchoki thakheah.

JOHAN 14:13

Tüsho nüsanü tümüpürü I mung chingnü akheangbanü inü arhimobah, junangde atsührü kheaknü Abuh müretahbah.

JOHAN 16:27

tümüde Abuh küdahnü nüsa muzhochoh, tümütüsho nüsanü I muzhodo tüsho I ju Thrünpuh kilimnü arükheah de kindo.

JOHAN 16:30

Kheakü nünü alala mükheahlah de isanü mükheahlah, tüsho shenü she nü ki keokhipü yihnüpü müla. Ha hode nü ju Thrünpuh kilimnü arükheah de isanü kinlah.”

JOHAN 2:1

Nimung mahsampü ching Galilee yo Kana kiuto ching arhangrü thünio lakheah, tüsho Jisu abe ju ching lakheah.

JOHAN 2:23

Küyimki api phungho-thünio lachoki Jirusalem ching lakhea, apinü khinthiyinbe rhimokhi ngüchoki ahihkhühnü api mung ching kin.

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 4:3

apinü Judea chingnü chamachihde Galilee lim yülo.

JOHAN 4:46

Jumonü Jisunü Galilee ching lakhi Kana ching apinü kenü yukhu kamshihpung alode arü. Tüsho ju ching atorü tsührü khülang Kapernaum ching tukthsüde alakheah.

JOHAN 4:54

Ha Jisunü Judea chingnü akhiukbah Galilee ching yüchoki khinthiyinbe rhimokhi mahnepü lakheah.

JOHAN 5:23

junangde arünü Abuh wüntre jihkhi nangde alalanü atsührü wüntre jihbah. Shepünü atsührü wüntre müjihbanü api thiyibuh Abuh wüntre müjihchoh.

JOHAN 6:14

Judüki Jisunü khinthiyinbe rhimochoki ngürü mihtsürübonü tha, “Tsükjide ha alomi ching arüpü lakhi wukihrü ah.”

JOHAN 6:2

Judüki yimto ato khülangnü api dunglim yan, tümütüsho apinü tukthsürü kheak khinthiyinbebo rhimokhi arünü ngü.

JOHAN 6:26

Jisunü arü ki alo tüsho tha, “Atsütsü inü nüsa ki thachoh, nüsanü khinthiyinbebo ngümonü I yimchoh yung, tüshe yikhapbo tsühbah bukthsümonü ah.

JOHAN 6:30

Jumonü arünü api ki tha, “Isanü ngübah nü kinpü thsüde nünü khinthiyinbe tümü rhimoba? Nünü tümü rhimoba?

JOHAN 7:31

Tüsho mihtsürü ahihkhühnü api kheak kinde tha, “Küyimki Khrista arübanü ha mihtsürünü arhimokhi kheaknü apinü khinthiyinbe alü rhimoba shi?”

JOHAN 9:16

Jumonü Pharisirü khürünü tha, “Ha mihtsürü ju Thrünpuh kilimnü yung, tümütüsho apinü Amuni mümungchoh.” Püpürünü tha, “Aneakrünü küde thsah hadürü khinthiyinbe rhimokhukcho?” Tüsho arü bolung achamnak lakheah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

YUZÜNGTHALO 5:24

Tüsho nüsanü tha: Tsükjide Atungpuh isa Thrünpuhnü api müretahkhi tüsho api tokhi isa ki huhdo, tüsho isanü api düsheak mo phulungnü sodo. Khihni Thrünpuhnü mihtsürü ki asukachihkhi isanü ngüdo; tüsho api rhangdung lah.

1 JOHAN 5:13

Sherünü Thrünpuh tsührü mung ching kinchonü inü ha nüsa kilim thrütchoh, junangde nüsa lün rhangdung lah de nüsanü amükheahbah.