JOHAN 2:10 - AMÜSÜH HÜM CL Bible (BSI)

¹⁰ Tüsho apinü anihbuh ki tha, “Mihtsürü abannü akhuhde yukhu akebe ahiuhchoh, tüsho küyimki hanrübo müshangbanü amükebe ahiuhchoh; tüshe nüsa a kheakü khiungde yukhu akebe zoa lah.”

JOHAN 2:10 Iomraidhean Croise

THRÜNTAN 43:34

Judüki Josep dükhüm kheaknü arü kilim ahiuhakhip, tüshe Benjamin kilim a arü kheaknü alü phüngü ki ahiuh. Junangde arünü api lung asühde tsühyung.

MUNGSHIKHÜN 104:15

tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

MATHI 24:49

tüsho rukhüh yamlarübo lakpü tankihsho tüsho amüshangrü lung tsühyungsho,

LUKNÜ ATHRÜTKHI THIYUSHEAK-ATSÜ HUHTANYU 12:45

Tüshe yamlarünü mulong ching, ‘I putungrü arüpü ruhde lah,’ de thasho, tüsho yamlarübo le yamlaberübo shikpü tüsho tsühyungde amüshangpü tankihsho,

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.

YUNIRÜBO RHIMO 2:15

Tümüde harü mihtsürübo mümüshang, tümütüsho kheakü lang yapsu 9 kingchoh;

1 KORINT 11:21

Tümütüsho yimtsühchoki mihbüm abannü müngüh ajinde nihbuh jim tsühchoh, tüsho khürü a khümlah tüsho püpürü a müshanga lah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

1 TESALONIKA 5:7

Tümüde sherünü yapchonü azhing ching yapchoh, tüsho sherü müshangchonü azhing ching müshangchoh.

AMIKHEAKAKHIUKKHI 17:2

Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.”

AMIKHEAKAKHIUKKHI 17:6

Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü. Küyimki inü alibe ngükheanü I khide müyinsah.