JOHAN 19:9 - AMÜSÜH HÜM CL Bible (BSI)

⁹ tüsho thüyam ching yüzahlobah Jisu ki tha, “Nü küchingnü a? Tüshe Jisunü api ki tümü malo.”

JOHAN 19:9 Iomraidhean Croise

ISAIA 53:7

Api ajunokheah, tüsho api thsümüchido tütüshe apinü amün mükhimshuh; namfimihnunu alaksahpü bede ayükhi nangde, tüsho namfimihnunu khülang anam rhiprü miki zhikde alakhi nangde, apinü amün mükhimshuh.

MATHI 26:63

Tüshe Jisunü zhikde la. Tüsho achangbe amükeambuhnü api ki tha, “Nü Thrünpuh tsührü Khrista a shi yungnü isa ki thaang de inü arhang Thrünpuh tamde nü ki thachoh.”

MATHI 27:27

Judüki Pilat bonungrübonü Jisu bea lubah kovünor yam ching yüzah tüsho bonungrü boto alala api mükamde mukhung.

LUKNÜ ATHRÜTKHI THIYUSHEAK-ATSÜ HUHTANYU 23:9

Judüki apinü anihbuh ki thiyu ahihdo keokhi, tüshe api ki tümü malojih.

JOHAN 18:28

Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

JOHAN 18:33

Judüki Pilatnü thüyam ching yüzahlobah Jisu ji tüsho api ki tha, “Nü Jihudarü kiulongthsüpuh a de?”

JOHAN 18:34

Jisunü api ki alo, “Ha nü küdahnü thacho shi dashi püpürünü I dünkheak nü ki thakhea?”

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 19:10

Judüki Pilatnü api ki tha, “Nünü I ki thiyu müthaba de? Inü nü yümkihpü tüsho adükhepü wu lah de nünü mümükheah de?”

JOHAN 19:8

Jumonü küyimki Pilatnü ju thakhi sokhea, api alü trede kam,

JOHAN 8:14

Jisunü arü ki alo, “Inü I küdah thsüde thiyumütsan thsüthsü she, I thiyumütsan thiyuro ah tümüde I küchingnü arükhea tüsho I küching yüchonü inü mükheahlah; tüshe I küchingnü arücho tüsho I küching yüchonü nüsanü mümükheah.

FILIPI 1:28

Tüsho nüsa azhihrübo hode tümü ching she nüsa mümüzün, ha arü thsümünimpü arü ki mütsandakkhi lah, tüshe nüsa akhümkhit Thrünpuh kilimnü lah.

MAHKHAPRÜ 13:6

Jumonü alibenü arübah aniubuh ki tha, “ Thrünpuh mihtsürü khülang I ki arü tüsho api akheahpü ju Thrünpuh yunirü nangde khide amüyinsahbe lakheah; tüshe api küchingnü arükheanü inü api ki mükeokhi, tüsho apinü I ki amung mütha.