JOHAN 19:34 - AMÜSÜH HÜM CL Bible (BSI)

³⁴ Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk.

JOHAN 19:34 Iomraidhean Croise

MUNGSHIKHÜN 51:7

Monamnü I müsühjang, tüsho I müsühde akambah; I müsühjang, tüsho I phürüm kheaknü amüyebe labah.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

MATHI 27:62

Ashidopü, Amunimung, amükeam putungrübo tüsho Pharisirübonü Pilat ki rukhüh mukhung,

JOHAN 19:33

Tüshe küyimki arünü Jisu kilim arübah api shea ngükhea, arünü ajingbo müyihshak.

JOHAN 20:20

Küyimki apinü ha thakheanü arü ki api khahbo le rheang huh. Jushu jingyanrübonü Atungpuh ngüchoki asüh.

YUNIRÜBO RHIMO 22:16

Kheakü tümüde nünü aleangcho? Asürübah baptiang, tüsho api mung jide nü neakbo müsüh-a bahang.’

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 5:26

junangde kenü amüsüh dunglim api yunü anihbe tsangkhitpü thsü,

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 9:13

Mümüsühkhi mihtsürü kheak mihnubo le moshipungbo thiyih rhakkhi tüsho moshinunu takkhi wahbonü arü shih mümüsühkhi tsangkhitchosho,

IBRI 9:22

Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,

1 JOHAN 5:6

Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah.

1 JOHAN 5:8

Thiyumütsan mahsam lah, Me, ke, tüsho thiyih; tüsho harü mahsam arihlah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.